3, నవంబర్ 2023, శుక్రవారం

JEE Main: జేఈఈ మెయిన్‌ సిలబస్‌ తగ్గింపు! * దరఖాస్తుల ప్రక్రియ షురూ * నవంబర్‌ 30 వరకు తుది గడువు * జనవరి 24 నుంచి ఫిబ్రవరి 1 వరకు ఆన్‌లైన్‌ పరీక్షలు * ఎన్‌టీఏ నోటిఫికేషన్‌ జారీ

JEE Main: జేఈఈ మెయిన్‌ సిలబస్‌ తగ్గింపు!  

* దరఖాస్తుల ప్రక్రియ షురూ

* నవంబర్‌ 30 వరకు తుది గడువు

* జనవరి 24 నుంచి ఫిబ్రవరి 1 వరకు ఆన్‌లైన్‌ పరీక్షలు

* ఎన్‌టీఏ నోటిఫికేషన్‌ జారీ

ఈనాడు, హైదరాబాద్‌: జేఈఈ మెయిన్‌ తొలి విడతకు దరఖాస్తుల ప్రక్రియ గురువారం మొదలైంది. విద్యార్థులు నవంబర్‌ 30వ తేదీ రాత్రి 9 గంటల వరకు దరఖాస్తులు సమర్పించవచ్చు. ఈ మేరకు జాతీయ పరీక్షల సంస్థ(ఎన్‌టీఏ) గురువారం(నవంబర్‌ 2) నోటిఫికేషన్‌ జారీ చేసింది. జనవరి 24 నుంచి ఫిబ్రవరి 1వ తేదీ వరకు ఆన్‌లైన్‌ విధానంలో పరీక్షలు నిర్వహిస్తారు. ఎన్‌ఐటీలు, ట్రిపుల్‌ఐటీల్లో బీటెక్‌లో చేరేందుకు జేఈఈ మెయిన్‌లో పేపర్‌-1, బీఆర్క్‌లో ప్రవేశానికి పేపర్‌-2ఏ, బీ-ప్లానింగ్‌లో ప్రవేశానికి పేపర్‌-2బీ రాయాల్సి ఉంటుంది. ప్రతిరోజూ ఉదయం 9 నుంచి మధ్యాహ్నం 12 గంటల వరకు, మధ్యాహ్నం 3 నుంచి సాయంత్రం 6 గంటల వరకు పరీక్షలు జరుగుతాయి. పేపర్‌-1లో 300 మార్కులు(90 ప్రశ్నలు), పేపర్‌-2ఏలో 400 మార్కులు(82 ప్రశ్నలు), పేపర్‌-2బీలో 400 మార్కులు(105 ప్రశ్నలు) ఉంటాయి. ఫిబ్రవరి 12న స్కోర్‌ వెల్లడిస్తారు. ఈ పరీక్షల్లో కనీస స్కోర్‌ సాధించిన రెండున్నర లక్షల మందికి(అన్ని సామాజికవర్గాల వారిని కలిపి) మాత్రమే జేఈఈ అడ్వాన్స్‌డ్‌ రాసేందుకు అర్హత ఉంటుంది. అడ్వాన్స్‌డ్‌లో ఉత్తీర్ణులైనవారికి మాత్రమే ఐఐటీల్లో చేరేందుకు అవకాశం ఇస్తారు. తుది విడత జేఈఈ మెయిన్‌ ఏప్రిల్‌లో నిర్వహిస్తారు. రెండుసార్లు రాస్తే.. ఆ రెండింటిలో ఎక్కువ స్కోర్‌ను పరిగణనలోకి తీసుకొని ర్యాంకు కేటాయిస్తారు. దేశవ్యాప్తంగా జేఈఈ మెయిన్‌ను దాదాపు 11 లక్షల మంది రాస్తారు. తెలుగు రాష్ట్రాల నుంచి సుమారు లక్షన్నర మంది దరఖాస్తు చేసే అవకాశం ఉంది. ఏ నగరం/పట్టణంలో పరీక్ష కేంద్రం కేటాయించారో జనవరి రెండో వారంలో వెల్లడిస్తారు. పరీక్షకు మూడు రోజుల ముందు అడ్మిట్‌ కార్డులు(హాల్‌టికెట్‌) వెబ్‌సైట్లో అందుబాటులో ఉంచుతారు.

సిలబస్‌ తగ్గింపు

కరోనా కాలంలో సీబీఎస్‌ఈ విద్యార్థులకు 9, 10 తరగతులతోపాటు ఇంటర్‌ లేదా తత్సమాన తరగతిలో సిలబస్‌ తగ్గించినందువల్ల ఆ ప్రకారం జేఈఈ మెయిన్‌ పరీక్షలకు కూడా తగ్గించారు. రసాయనశాస్త్రంలో పలు పాఠ్యాంశాలను పూర్తిగా తొలగించారు. భౌతికశాస్త్రం, గణితంలో కొన్ని పాఠ్యాంశాలను పూర్తిగా, మరికొన్నింట్లో పాక్షికంగా తొలగించారు. తొలగించిన పాఠ్యాంశాల వివరాలను జేఈఈ మెయిన్‌ వెబ్‌సైట్లో ఎన్‌టీఏ అందుబాటులో ఉంచిందని, వాటిని పరిశీలించి పరీక్షలకు సిద్ధం కావాలని శిక్షణ నిపుణులు ఉమాశంకర్, కృష్ణచైతన్య తెలిపారు. తెలంగాణ ఇంటర్‌ బోర్డు పరీక్షలు రాసే విద్యార్థులు మాత్రం వాటిని చదవక తప్పదని పేర్కొన్నారు.

       జేఈఈ (మెయిన్) నోటిఫికేషన్‌ వివరాల కోసం క్లిక్‌ చేయండి

- | For applications visit Gemini Internet with your own ATM Gemini Internet, D L Road, Hindupur | - - | అప్లికేషన్‌ల కోసం మీ స్వంత ATM జెమిని ఇంటర్నెట్‌తో జెమిని ఇంటర్నెట్‌ని సందర్శించండి, DL రోడ్, హిందూపూర్ | - https://geminiinternethindupur.blogspot.com/2023/02/list-of-hindupur-and-other-areas.html
వద్ద కామెంట్‌లు లేవు:

2, నవంబర్ 2023, గురువారం

అనంతపురం జిల్లాలోని నిరుద్యోగులకు సువర్ణ అవకాశం కలదు. ఉద్యోగం లేక ఇబ్బందులు పడుతున్న వారికి అనంతపురం నగరంలో జాబ్ మేళా నిర్వహించనున్నారు. వారి అర్హతను బట్టి ఉద్యోగాలు పొందవచ్చు.

అనంతపురం జిల్లాలోని నిరుద్యోగులకు సువర్ణ అవకాశం కలదు. ఉద్యోగం లేక ఇబ్బందులు పడుతున్న వారికి అనంతపురం నగరంలో జాబ్ మేళా నిర్వహించనున్నారు. వారి అర్హతను బట్టి ఉద్యోగాలు పొందవచ్చు. వివిధ కంపెనీలలో ఉద్యోగాల భర్తీ కోసం నిరుద్యోగులకు డిపార్ట్మెంట్ ఆఫ్ స్కిల్స్ డెవలప్మెంట్ అండ్ ట్రైనింగ్ గవర్నమెంట్ ఆఫ్ ఆంధ్ర ప్రదేశ్ వారి ఆధ్వర్యంలోనే జాబ్ మేళాను నిర్వహించనున్నారు.

నవంబర్ 03, 2023 ఉదయం 9 గంటలకు APSSDC డిస్టిక్ ఆఫీస్ అనంతపురం నందు జాబ్ మేళా నిర్వహిస్తారు. ఇందులో ప్రముఖ సంస్థలు మొబైల్స్ మరియు టీం లెస్ కంపెనీలు పాల్గొన్నాయి. ఈ సంవత్సరంలో క్యాషియర్ సేల్స్ ఎగ్జిక్యూటివ్ మరియు సేల్స్ అసోసియేట్స్ మరియు డి మార్ట్, స్విగ్గి, విభాగాలలో ఉద్యోగాలు భర్తీ చేయనున్నారు. వీటి కోసం పదవ తరగతి ఇంటర్మీడియట్ డిగ్రీ ఆపై చదువు వారికి అర్హతగా నిర్ణయించారు.

వీటిలో ఉద్యోగం పొందిన నిరుద్యోగులకు అనంతపురం హైదరాబాద్ లో వివిధ ప్రాంతాలలో ఉద్యోగం చేయవలసి ఉంటుంది. మరియు అర్హత సాధించిన వారికి 12 వేల రూపాయల నుంచి 15 వేల రూపాయల వరకు నెల జీతం అందిస్తారు.పీఎఫ్, ఈఎస్ఐ సౌకర్యం కూడా కల్పిస్తారు. ఈ కంపెనీలలో నూట పది ఉద్యోగాల వరకు ఖాళీగా ఉన్నాయి. వీటి కోసం నిరుద్యోగ మహిళలు పురుషులు పాల్గొనవచ్చు. వీటిలో పాల్గొనే వారి వయసును 18 సంవత్సరాల నుంచి 30 సంవత్సరాల వరకు ఉండాలని అర్హతగా నిర్ణయించారు. మరింత సమాచారం కోసం APSSDCవెబ్సైట్ను సంప్రదించవచ్చు.
వద్ద కామెంట్‌లు లేవు:

NFL: ఎన్‌ఎఫ్‌ఎల్‌లో 74 మేనేజ్‌మెంట్ ట్రైనీ పోస్టులు నోయిడాలోని నేషనల్ ఫెర్టిలైజర్స్ లిమిటెడ్- దేశ వ్యాప్తంగా ఉన్న వివిధ ఎన్‌ఎఫ్‌ఎల్‌ యూనిట్లు/ కార్యాలయాల్లో మేనేజ్‌మెంట్ ట్రైనీ ఖాళీల భర్తీకి అర్హులైన అభ్యర్థుల నుంచి దరఖాస్తులు కోరుతోంది.

NFL: ఎన్‌ఎఫ్‌ఎల్‌లో 74 మేనేజ్‌మెంట్ ట్రైనీ పోస్టులు 

నోయిడాలోని నేషనల్ ఫెర్టిలైజర్స్ లిమిటెడ్- దేశ వ్యాప్తంగా ఉన్న వివిధ ఎన్‌ఎఫ్‌ఎల్‌ యూనిట్లు/ కార్యాలయాల్లో మేనేజ్‌మెంట్ ట్రైనీ ఖాళీల భర్తీకి అర్హులైన అభ్యర్థుల నుంచి దరఖాస్తులు కోరుతోంది. 

ఖాళీల వివరాలు:

1. మేనేజ్‌మెంట్ ట్రైనీ (మార్కెటింగ్): 60 పోస్టులు

2. మేనేజ్‌మెంట్ ట్రైనీ (ఎఫ్‌&ఎ): 10 పోస్టులు

3. మేనేజ్‌మెంట్ ట్రైనీ (లా): 04 పోస్టులు

మొత్తం పోస్టుల సంఖ్య: 74.

అర్హత: పోస్టును అనుసరించి ఎంఎస్సీ, ఎంబీఏ, పీజీడీబీఎం, పీజీడీఎం, సీఏ/ ఐసీడబ్ల్యూఏ/ సీఎంఏ, ఎల్‌ఎల్‌బీ, బీఎల్‌ ఉత్తీర్ణులై ఉండాలి. 

వయోపరిమితి: 18 నుంచి 27 సంవత్సరాల మధ్య ఉండాలి.

పే స్కేల్: నెలకు రూ.40000 - రూ.140000.

ఎంపిక ప్రక్రియ: రాత పరీక్ష, ఇంటర్వ్యూ ఆధారంగా.

దరఖాస్తు రుసుము: రూ.700. ఎస్సీ, ఎస్టీ, దివ్యాంగులు, ఈఎస్‌ఎం అభ్యర్థులకు ఫీజు చెల్లింపు నుంచి మినహాయింపు ఉంటుంది. 

ముఖ్యమైన తేదీలు… 

ఆన్‌లైన్ దరఖాస్తుకు చివరి తేదీ: 01/12/2023.

దరఖాస్తు సవరణ తేదీలు: 03, 04/12/2023.

మరింత సమాచారం... మీ కోసం!

‣ బీటెక్‌తో ఆర్మీలో ఉద్యోగాలు

‣ నాలుగేళ్ల కోర్సు.. నైపుణ్యాలతో మెరుగు!

‣ కొత్త నైపుణ్యాలే కొలువులకు రాచబాట!

‣ అగ్రరాజ్యంలో అడ్మిషన్లు ఇలా!

‣ Read Latest jobs, Latest notifications and Latest govt jobs 

‣ Follow us on Facebook, Twitter, Koo, Share chat, Google News Subscribe our Youtube Channel.

Important Links

Posted Date: 02-11-2023

- | For applications visit Gemini Internet with your own ATM Gemini Internet, D L Road, Hindupur | - - | అప్లికేషన్‌ల కోసం మీ స్వంత ATM జెమిని ఇంటర్నెట్‌తో జెమిని ఇంటర్నెట్‌ని సందర్శించండి, DL రోడ్, హిందూపూర్ | - https://geminiinternethindupur.blogspot.com/2023/02/list-of-hindupur-and-other-areas.html
వద్ద కామెంట్‌లు లేవు:

Joint CSIR-UGC NET: జాయింట్‌ సీఎస్‌ఐఆర్‌- యూజీసీ నెట్‌ ఎగ్జామినేషన్‌ డిసెంబర్‌-2023

Joint CSIR-UGC NET: జాయింట్‌ సీఎస్‌ఐఆర్‌- యూజీసీ నెట్‌ ఎగ్జామినేషన్‌ డిసెంబర్‌-2023 

సైన్స్‌ విభాగాల్లో పరిశోధన, బోధనకు అవకాశం కల్పించే.. సీఎస్‌ఐఆర్‌ యూజీసీ నేషనల్‌ ఎలిజిబిలిటీ టెస్ట్‌(నెట్‌) డిసెంబర్‌-2023కు నోటిఫికేషన్‌ విడుదలైంది. నేషనల్‌ టెస్టింగ్‌ ఏజెన్సీ(ఎన్‌టీఏ) ఈ పరీక్షను నిర్వహించనుంది. సైన్స్‌ సబ్జెక్టుల్లో పరిశోధనలకు అవకాశం కల్పించే జేఆర్‌ఎఫ్‌తోపాటు లెక్చరర్‌షిప్‌/ అసిస్టెంట్‌ ప్రొఫెసర్‌ అర్హతల కోసం నిర్వహించే పరీక్ష- సీఎస్‌ఐఆర్‌ యూజీసీ నెట్‌. ఈ పరీక్ష ద్వారా జేఆర్‌ఎఫ్‌ అర్హత పొందితే సీఎస్‌ఐఆర్‌ పరిధిలోని రిసెర్చ్‌ సెంటర్లలో, విశ్వవిద్యాలయాల్లో పీహెచ్‌డీకి దరఖాస్తు చేసుకోవచ్చు. లెక్చరర్‌షిప్‌కు అర్హత పొందితే విశ్వవిద్యాలయాలు లేదా డిగ్రీ కళాశాలల్లో అసిస్టెంట్‌ ప్రొఫెసర్‌గా ఎంపికకావచ్చు.

పరీక్ష వివరాలు...

జాయింట్‌ సీఎస్‌ఐఆర్‌- యూజీసీ నెట్‌ ఎగ్జామినేషన్‌ డిసెంబర్‌-2023 

సబ్జెక్టు వివరాలు: పరీక్షను అయిదు సబ్జెక్టుల్లో నిర్వహిస్తారు. 

1. కెమికల్‌ సైన్సెస్ 

2. ఎర్త్, అట్మాస్ఫియరిక్, ఓషన్‌ అండ్‌ ప్లానెటరీ సైన్సెస్‌

3. లైఫ్‌ సైన్సెస్

4. మ్యాథమేటికల్‌ సైన్సెస్

5. ఫిజికల్‌ సైన్సెస్‌

అర్హత: కనీసం 55 శాతం మార్కులతో ఎమ్మెస్సీ తత్సమాన ఉత్తీర్ణులు/ నాలుగేళ్ల ఇంటిగ్రేటెడ్‌ బీఎస్‌- ఎంఎస్‌/ బీఈ/ బీటెక్‌/ బీఫార్మసీ/ ఎంబీబీఎస్‌  ఉత్తీర్ణులు దరఖాస్తు చేసుకోవచ్చు. ఓబీసీ(ఎన్‌సీఎల్‌), ఎస్సీ, ఎస్టీ, థర్డ్‌జెండర్‌, దివ్యాంగ అభ్యర్థులు అర్హత పరీక్షలో కనీసం 50శాతం మార్కులు పొందాలి. 

వయసు: జేఆర్‌ఎఫ్‌కు అర్హతకు సంబంధించి జనరల్‌ కేటగిరీ అభ్యర్థులకు 01.07.2023 నాటికి 28 ఏళ్లు మించకుండా ఉండాలి. ఎస్సీ/ ఎస్టీ/ దివ్యాంగులు/ మహిళ అభ్యర్థులకు అయిదేళ్లు, ఓబీసీ(నాన్‌ క్రిమిలేయర్‌)లకు మూడేళ్ల గరిష్ఠ వయోసడలింపు లభిస్తుంది. అసిస్టెంట్‌ ప్రొఫెసర్‌/ లెక్చరర్‌షిప్‌కు ఎలాంటి గరిష్ఠ వయోపరిమితి నిబంధన లేదు.

పరీక్ష విధానం: పరీక్ష 200 మార్కులకు నిర్వహిస్తారు. కంప్యూటర్‌ బేస్డ్‌ టెస్ట్‌ విధానంలో పరీక్ష జరుగుతుంది. మల్టిపుల్‌ ఛాయిస్‌ ప్రశ్నల పద్ధతిలో పరీక్ష ఉంటుంది. పరీక్ష వ్యవధి మూడు గంటలు. ప్రశ్న పత్రంలో మొత్తం మూడు విభాగాలు ఉంటాయి. 

దరఖాస్తు రుసుము: జనరల్ అభ్యర్థులకు రూ.1100, జనరల్ ఈడబ్ల్యూఎస్‌/ ఓబీసీ(ఎన్‌సీఎల్‌) రూ.550, ఎస్సీ/ఎస్టీలకు రూ.275, థర్డ్ జెండర్ రూ.275, దివ్యాంగులకు ఫీజు చెల్లింపు నుంచి మినహాయింపు ఉంటుంది. 

దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి.

ముఖ్యమైన తేదీలు...

ఫీజు చెల్లింపు, ఆన్‌లైన్ దరఖాస్తుకు చివరి తేదీ: 30.11.2023.

దరఖాస్తు సవరణ తేదీలు: 02.12.2023 నుంచి 04.12.2023 వరకు.

పరీక్ష తేదీలు: 26, 27 & 28-12-2023.

Important Links

Posted Date: 02-11-2023

- | For applications visit Gemini Internet with your own ATM Gemini Internet, D L Road, Hindupur | - - | అప్లికేషన్‌ల కోసం మీ స్వంత ATM జెమిని ఇంటర్నెట్‌తో జెమిని ఇంటర్నెట్‌ని సందర్శించండి, DL రోడ్, హిందూపూర్ | - https://geminiinternethindupur.blogspot.com/2023/02/list-of-hindupur-and-other-areas.html
వద్ద కామెంట్‌లు లేవు:

JEE మెయిన్ 2024: జైంట్ ఎంట్రన్స్ ఎగ్జామినేషన్ (మెయిన్) - 2024 జైంట్ ఎంట్రన్స్ ఎగ్జామినేషన్(జేఈఈ) మెయిన్-2024 తొలి విడత పరీక్షలను జనవరి 24వ తేదీ నుంచి, చివరి విడతను ఏప్రిల్‌ 1 నుంచి ప్రారంభమయ్యే జాతీయ పరీక్షల సంస్థ(ఎన్‌టీఏ) ప్రకటించింది. జనవరి పరీక్షకు సంబంధించిన దరఖాస్తులను నవంబర్ 30వ తేదీ రాత్రి 9 గంటల వరకు సమర్పించవచ్చు. ఈ మేరకు ఎన్టీఏ నోటిఫికేషన్ జారీ చేసింది.

JEE మెయిన్ 2024: జైంట్ ఎంట్రన్స్ ఎగ్జామినేషన్ (మెయిన్) - 2024 

జైంట్ ఎంట్రన్స్ ఎగ్జామినేషన్(జేఈఈ) మెయిన్-2024 తొలి విడత పరీక్షలను జనవరి 24వ తేదీ నుంచి, చివరి విడతను ఏప్రిల్‌ 1 నుంచి ప్రారంభమయ్యే జాతీయ పరీక్షల సంస్థ(ఎన్‌టీఏ) ప్రకటించింది. జనవరి పరీక్షకు సంబంధించిన దరఖాస్తులను నవంబర్ 30వ తేదీ రాత్రి 9 గంటల వరకు సమర్పించవచ్చు. ఈ మేరకు ఎన్టీఏ నోటిఫికేషన్ జారీ చేసింది. 

ప్రకటన వివరాలు:

జైంట్ ఎంట్రన్స్ ఎగ్జామినేషన్ (మెయిన్) - 2024

అర్హత: అభ్యర్థులకు వయోపరిమితి లేదు. 2022, 2023లో 12వ తరగతి/తత్సమాన పరీక్షలో ఉత్తీర్ణులైన అభ్యర్థులు లేదా 2024లో వయస్సుతో సంబంధం లేకుండా 12వ తరగతి పరీక్షలకు హాజరయ్యే అభ్యర్థులు జేఈఈ (మెయిన్) - 2024 పరీక్షకు హాజరు కావచ్చు.

* తొలి విడతను వచ్చే జనవరి 24 నుంచి ఫిబ్రవరి 1వ తేదీ వరకు, చివరి విడత ఏప్రిల్‌ 1 నుంచి 15వ తేదీ వరకు జరుపుకుంటామని ఎన్‌టీఏ తేదీ. మొదటి ఒకట్రెండు రోజులు బీఆర్క్‌, బీ-ప్లానింగ్‌ కోర్సుల్లో ప్రవేశాలకు పేపర్‌-2, మిగిలిన రోజుల్లో బీటెక్‌ సీట్ల భర్తీకి పేపర్‌-1 పరీక్ష జరుగుతుంది. విద్యార్థులకు కేటాయించిన పరీక్ష కేంద్రాలను జనవరి రెండో వారంలో చేర్చారు.

* హాల్‌టికెట్లను జనవరి మూడో వారంలో వెబ్‌సైట్‌లో ఉంచుతారు. ఏప్రిల్‌లో జరిగే చివరి విడతకు ఫిబ్రవరి 2 నుంచి మార్చి 2వ తేదీ వరకు దరఖాస్తులు సమర్పించవచ్చు.

ఎన్ఐటీలు, ట్రిపుల్ ఐటీల్లో ప్రవేశాలకు..

దేశవ్యాప్తంగా ఎన్‌ఐటీలు, ట్రిపుల్‌ ఐటీల్లో బీటెక్‌ సీట్లను జేఈఈ మెయిన్‌ ర్యాంకుల ఆధారంగానే భర్తీ చేస్తారు. ఐఐటీల్లో చేరాలంటే జేఈ అడ్వాన్స్‌డ్ రాయాలి. మెయిన్‌లో కనీస మార్కులు సాధించి అర్హత పొందిన 2.50 లక్షల మందికి మాత్రమే అడ్వాన్స్‌డ్ పరీక్ష రాసేందుకు అవకాశం ఉంటుంది.

ఇంటర్ మార్కుల నిబంధన

గతంలో కనీస మార్కులతో ఇంటర్‌లో ఉత్తీర్ణులైతే చాలు ఎన్‌ఐటీలు, ట్రిపుల్‌ఐటీల్లో ప్రవేశం పొందేలా వెసులుబాటు కల్పించారు. ఈసారి మళ్లీ మార్కుల నిబంధన విధించారు. జేఈఈ మెయిన్‌లో ఎంత ర్యాంకు వచ్చినా ఇంటర్‌లో ఎస్సీ, ఎస్టీ విద్యార్థులకు 65 శాతం, మిగిలిన వారికి 75 మార్కులు తప్పనిసరిగా రావాలని ఎన్‌టీఏ స్పష్టం చేసింది.

తెలుగు రాష్ట్రాల్లో పరీక్ష కేంద్రాలు

తెలంగాణ: హైదరాబాద్, సికింద్రాబాద్, కరీంనగర్, ఖమ్మం, కొత్తగూడెం, మహబూబ్‌నగర్, నల్గొండ, నిజామాబాద్, సిద్దిపేట, సూర్యాపేట, వరంగల్.

ఏపీ: అమలాపురం, అనంతపురం, బొబ్బిలి, చీరాల, చిత్తూరు, ఏలూరు, గుత్తి, గుడ్లవల్లేరు, గుంటూరు, కడప, కాకినాడ, కర్నూలు, మదనపల్లె, మార్కాపురం, నంద్యాల, నెల్లూరు, ఒంగోలు, పాపం పారే, ప్రొద్దుటూరు, పుట్టపర్తి, పుత్తూరు, రాజమండ్రి, శ్రీకాకుళం, తాడిపత్రి , తిరుపతి, తిరువూరు, విజయవాడ, విశాఖపట్నం, విజయనగరం.

ముఖ్యాంశాలివీ..

* పరీక్షలను తెలుగు, ఆంగ్లం సహా మొత్తం 13 భాషల్లో నిర్వహించారు. ఇతర భాషల్లో హిందీ, అస్సామీ, బెంగాలీ, గుజరాతీ, మరాఠీ, కన్నడ, మలయాళం, తమిళం, ఒడియా, పంజాబీ, ఉర్దూ ఉన్నాయి. ప్రశ్నపత్రాన్ని ఆంగ్లంతోపాటు అభ్యర్థులు కోరుకున్న ప్రాంతీయ భాషలోనూ ఇస్తారు. పేపర్‌-1 300 మార్కులకు, పేపర్‌-2 400 మార్కులకు ఉంటాయి.

* పరీక్షలు కంప్యూటర్ ఆధారంగా సాగుతాయి. బీఆర్క్ విద్యార్థులకు ఆఫ్‌లైన్ విధానంలో డ్రాయింగ్ పరీక్ష కూడా ఉంటుంది.

* పరీక్ష రెండు షిప్టుల్లో జరుగుతుంది. తొలి షిఫ్టు ఉదయం 9 నుంచి మధ్యాహ్నం 12 వరకు, రెండో షిఫ్టు సాయంత్రం 3 నుంచి 6 గంటల వరకు ఉంటుంది.

* ప్రశ్నపత్రాల్లో రెండు సెక్షన్లు ఉంటాయి. సెక్షన్-బీలో 10 ప్రశ్నల్లో అయిదుకు సమాధానాలు గుర్తించాలి. రెండు సెక్షన్లలోనూ తప్పు సమాధానాలకు మైనస్‌ మార్కులుంటాయి.

* దరఖాస్తు చేసుకునే సమయంలో విద్యార్థులు లేదా తమ తల్లిదండ్రులకు సంబంధించిన మొబైల్ నంబర్‌, ఈ-మెయిల్‌ చిరునామాను అందించండి.

* ఏమైనా సమస్యలు ఉంటే 011 40759000 నంబరుకు ఫోన్ చేయవచ్చు. 

ముఖ్య తేదీలు:

సెషన్-1: జేఈఈ (మెయిన్) - జనవరి 2024:

ఆన్‌లైన్ దరఖాస్తు తేదీలు: 01-11-2023 నుంచి 30-11-2023 వరకు.

పరీక్ష తేదీలు: 2024, జనవరి నుండి ఫిబ్రవరి 1 వరకు.

పరీక్ష కేంద్రాల ప్రకటన: 2024, జనవరి రెండో వారం.

ఫలితాల వెల్లడి: 12.02.2024.

సెషన్-2: జేఈఈ (మెయిన్) - ఏప్రిల్ 2024:

ఆన్‌లైన్ దరఖాస్తు తేదీలు: 02-02-2024 నుంచి 02-03-2024 వరకు.

పరీక్ష తేదీలు: 2024, ఏప్రిల్ 1 నుంచి 14 వరకు.

పరీక్ష కేంద్రాల ప్రకటన: 2024, మార్చి మూడో వారం.

ఫలితాల వెల్లడి: 25.04.2024.

ముఖ్యమైన లింకులు

పోస్ట్ చేసిన తేదీ: 02-11-2023

- | For applications visit Gemini Internet with your own ATM Gemini Internet, D L Road, Hindupur | - - | అప్లికేషన్‌ల కోసం మీ స్వంత ATM జెమిని ఇంటర్నెట్‌తో జెమిని ఇంటర్నెట్‌ని సందర్శించండి, DL రోడ్, హిందూపూర్ | - https://geminiinternethindupur.blogspot.com/2023/02/list-of-hindupur-and-other-areas.html
వద్ద కామెంట్‌లు లేవు:

Current Affairs - 02/11/2023 (Telugu / English)

Current Affairs - 02/11/2023
                (Telugu / English)

        
1. జాతీయ ఐక్యతా దినోత్సవం రోజున "మేరా యువ భారత్ సంగతన్"ని ఎవరు ప్రారంభించారు?

 జ:- ప్రధానమంత్రి నరేంద్ర మోదీ

 2. విమాన ఇంజిన్ విడిభాగాలను తయారు చేసేందుకు సఫ్రాన్ ఎయిర్‌క్రాఫ్ట్‌తో ఏ భారతీయ కంపెనీ ఒప్పందం కుదుర్చుకుంది?

 జ:- HAL.

 3. భారతదేశంలో ఐఫోన్‌ను ఏ కంపెనీ తయారు చేస్తుంది?

 జ:- టాటా గ్రూప్ ద్వారా.

 4. ఏ రాష్ట్ర ముఖ్యమంత్రి రాబోయే 5 సంవత్సరాలలో ప్రతిరోజూ 2 కొత్త పాఠశాలలను నిర్మించాలని లక్ష్యంగా పెట్టుకున్నారు?

 జ:- అస్సాం ముఖ్యమంత్రి.

 5. భారతదేశం అంతటా 31 అక్టోబర్ 2023న ఏ రోజును జరుపుకుంటారు?

 జ:- జాతీయ ఐక్యతా దినోత్సవం.

 6. CCI (కాంపిటీషన్ కమిషన్ ఆఫ్ ఇండియా) ఎంత మంది సభ్యుల ICN (ఇంటర్నేషనల్ కాంపిటీషన్ నెట్‌వర్క్)లో సభ్యుడిగా మారింది?

 జ:- 18-సభ్యులు.

 7. జై భీమ్ ముఖ్యమంత్రి ప్రతిభా వికాస్ యోజనను ఏ రాష్ట్ర/కేంద్రపాలిత ప్రభుత్వం ఆవిష్కరించింది?

 జ:- ఢిల్లీ.

 8. 15వ గిరిజన యూత్ ఎక్స్ఛేంజ్ కార్యక్రమం ఏ నగరంలో ప్రారంభించబడింది?

 జ:- ముంబైలో.

 9. భారతదేశపు మొట్టమొదటి ఉపగ్రహ ఆధారిత గిగాబిట్ బ్రాడ్‌బ్యాండ్ సేవను ప్రారంభించిన సంస్థ ఏది?

 జ:- జియో.

 10. పారా ఏషియన్ గేమ్స్ 2023లో భారత్ ఎన్ని పతకాలు సాధించింది?

 జ:- 111 పతకాలు.

 11. ప్రధాన మంత్రి నరేంద్ర మోదీ ఏ రాష్ట్రంలోని మెహసానా జిల్లాలో రూ. 5,900 కోట్ల విలువైన పలు అభివృద్ధి కార్యక్రమాలను ప్రారంభించి, శంకుస్థాపన చేశారు?

 జ:- గుజరాత్ రాష్ట్రం.

 12. భారతదేశంలో జరగనున్న ఆర్థిక వాణిజ్య ప్రతినిధుల సదస్సులో ఏ దేశ మాజీ రక్షణ మంత్రి పీటర్ డటన్ పాల్గొంటారు?

 జ:- ఆస్ట్రేలియా.

 13. నితిన్ గడ్కరీ జీ 2024లో రూ. 20 వేల కోట్ల విలువైన రోడ్డు నిర్మాణ ప్రాజెక్టులను ఏ రాష్ట్రంలో ప్రకటించారు?

 జ:- మిజోరంలో.

 14. హర్యానా, పంజాబ్ మరియు జాతీయ రాజధాని ప్రాంతంలో ఈ సంవత్సరం పొట్ట దహనం సంభవం ఎంత శాతం తగ్గింది?

 జ:- 50 శాతం.

 15. మ్యాట్రిక్స్ ఫైట్ నైట్ (MFN) 13వ ఎడిషన్‌లో మహిళల స్ట్రావెయిట్ విభాగంలో ఏ రాష్ట్రానికి చెందిన సోనమ్ జోంబా టైటిల్ గెలుచుకుంది?

 జ:- అరుణాచల్ ప్రదేశ్ రాష్ట్రం.

1. Who has launched "Mera Yuva Bharat Sangathan" on National Unity Day?

Ans:- Prime Minister Narendra Modi

2. Which Indian company has signed an agreement with Safran Aircraft to manufacture aircraft engine parts?

Ans:- HAL.

3. Which company will manufacture iPhone in India?

Ans:- By Tata Group.

4. The Chief Minister of which state has set a target of building 2 new schools every day for the next 5 years?

Ans:- Chief Minister of Assam.

5. Which day is celebrated all over India on 31 October 2023?

Ans:- National Unity Day.

6. CCI (Competition Commission of India) has become a member of how many member ICN (International Competition Network)?

Ans:- 18-member.

7. Which state/union territory government has unveiled the Jai Bhim Mukhyamantri Pratibha Vikas Yojana?

Ans:- Delhi.

8. In which city the 15th Tribal Youth Exchange Program has been inaugurated?

Ans:- In Mumbai.

9. Which company has launched India's first Satellite-Based Gigabit Broadband Service?

Ans:- Jio.

10. How many medals has India won in the Para Asian Games 2023?

Ans:- 111 medals.

11. Prime Minister Narendra Modi has inaugurated and laid the foundation stone of several development projects worth Rs 5,900 crore in Mehsana district of which state?

Ans:- Of Gujarat state.

12. Which country's former Defense Minister Peter Dutton will participate in the Economic Trade Delegation Summit to be held in India?

Ans:- Australia.

13. In which state has Nitin Gadkari ji announced road construction projects worth Rs 20 thousand crores to start in 2024?

Ans:- In Mizoram.

14. By how much percent has the incidence of stubble burning decreased this year in Haryana, Punjab and National Capital Region?

Ans:- By 50 percent.

15. Which state's Sonam Zomba has won the title in the women's strawweight category in the 13th edition of Matrix Fight Night (MFN)?

Ans:- Of Arunachal Pradesh state.‌‌
- | For applications visit Gemini Internet with your own ATM Gemini Internet, D L Road, Hindupur | - - | అప్లికేషన్‌ల కోసం మీ స్వంత ATM జెమిని ఇంటర్నెట్‌తో జెమిని ఇంటర్నెట్‌ని సందర్శించండి, DL రోడ్, హిందూపూర్ | - https://geminiinternethindupur.blogspot.com/2023/02/list-of-hindupur-and-other-areas.html
వద్ద కామెంట్‌లు లేవు:

6,329 Teaching & Non-Teaching Posts: ప్రభుత్వ పాఠశాలల్లో టీచర్‌ కొలువులు.. రాత పరీక్షలో రాణించేలా ప్రిపేర్ అవ్వాలంటే ఇలా చేయండి

ప్రభుత్వ పాఠశాలల్లో టీచర్‌ కొలువు కోరుకునే వారికి చక్కటి అవకాశం స్వాగతం పలుకుతోంది! జాతీయ స్థాయిలో కేంద్ర ప్రభుత్వ పరిధిలోని..ఏకలవ్య మోడల్‌ రెసిడెన్షియల్‌ స్కూల్స్‌లో.. టీచింగ్, నాన్‌ టీచింగ్‌ పోస్టుల భర్తీకి నోటిఫికేషన్‌ విడుదలైంది. ఈ నియామక ప్రక్రియ ద్వారా టీచింగ్, నాన్‌–టీచింగ్‌ విభాగాల్లో మొత్తం 6,329 పోస్ట్‌లను భర్తీ చేయనున్నారు. టీచింగ్‌ విభాగంలో 5,660 టీజీటీ పోస్టులున్నాయి. ఈ నేపథ్యంలో.. ఏకలవ్య మోడల్‌ రెసిడెన్షియల్‌ స్కూల్స్‌ ప్రత్యేకత, భర్తీ చేయనున్న పోస్టుల వివరాలు, ఎంపిక ప్రక్రియ, పరీక్ష విధానం తదితర వివరాలు..


  • టీచింగ్,నాన్‌–టీచింగ్‌ విభాగాల్లో 6,329 కొలువులు
  • టీజీటీ హోదాలో మొత్తం 5,660 పోస్ట్‌లు
  • కేంద్ర గిరిజన సంక్షేమ శాఖ ఆధ్వర్యంలో నోటిఫికేషన్‌
  • రాత పరీక్షలో మెరిట్‌ ఆధారంగా నియామకాలు

కేంద్ర గిరిజన వ్యవహారాల మంత్రిత్వ శాఖ ఆధ్వర్యంలో ఏర్పాటైన విద్యా సంస్థలు.. ఏకలవ్య మోడల్‌ రెసిడెన్షియల్‌ స్కూల్స్‌. ప్రస్తుతం జాతీయ స్థాయిలో మొత్తం 740 పాఠశాలలు ఉండగా.. తెలుగు రాష్ట్రాలైన ఏపీలో 28, తెలంగాణలో 23 స్కూల్స్‌ ఉన్నాయి. వీటిలో ఆరో తరగతి నుంచి పదో తరగతి వరకు.. పూర్తిగా గురుకుల విధానంలో విద్యాబోధన సాగుతోంది. 

మొత్తం 6,329 పోస్ట్‌లు

తాజా నియామక ప్రక్రియ ద్వారా టీచింగ్, నాన్‌–టీచింగ్‌ విభాగాల్లో మొత్తం 6,329 పోస్ట్‌లను భర్తీ చేయనున్నారు. టీచింగ్‌ విభాగంలో ట్రైన్డ్‌ గ్రాడ్యుయేట్‌ టీచర్‌(టీజీటీ) 5,660 పోస్ట్‌లు, నాన్‌ టీచింగ్‌ పోస్ట్‌ల విభాగంలో 669 హాస్టల్‌ వార్డెన్‌ పోస్ట్‌ల భర్తీకి ఎంపిక ప్రక్రియ చేపడతారు.

వేతనాలు

  • టీజీటీ(తృతీయ భాష) వేతన శ్రేణి–రూ.44,900–రూ.1,42,400. 
  • టీజీటీ(ఇతర విభాగాలు) వేతన శ్రేణి–రూ.35,400–రూ.1,12,400. 
  • హాస్టల్‌ వార్డెన్స్‌ వేతన శ్రేణి రూ.29,200–రూ,92,300.

అర్హతలు

  • అభ్యర్థులు తాము దరఖాస్తు చేసుకుంటున్న సబ్జెక్ట్‌తో బ్యాచిలర్‌ డిగ్రీ ఉత్తీర్ణతతో పాటు సంబంధిత సబ్జెక్ట్‌ మెథడాలజీలో బీఈడీ పాసై ఉండాలి. 
  • థర్డ్‌ లాంగ్వేజ్‌ పోస్ట్‌ల అభ్యర్థులు మూడేళ్ల బ్యాచిలర్‌ డిగ్రీలో సదరు భాషను ఎలక్టివ్‌ సబ్జెక్ట్‌గా మూడేళ్ల పాటు చదివుండాలి. –సీటెట్‌లో ఉత్తీర్ణత సాధించాలి.
  • ఎన్‌సీటీఈ నిర్వహించే నాలుగేళ్ల ఇంటిగ్రేటెడ్‌ బీఈడీ కోర్సు పూర్తి చేసుకున్న వారికి బీఈడీ అర్హత నిబంధన అవసరం ఉండదు.
  • మ్యూజిక్‌ టీచర్‌ పోస్ట్‌ల అభ్యర్థులు గుర్తింపు పొందిన యూనివర్సిటీ నుంచి మ్యూజిక్‌లో బ్యాచిలర్‌ డిగ్రీ ఉత్తీర్ణులవ్వాలి.
  • ఆర్ట్‌ టీచర్‌: గుర్తింపు పొందిన యూనివర్సిటీ నుంచి ఫైన్‌ ఆర్ట్స్‌/క్రాఫ్ట్‌లో ఉత్తీర్ణత లేదా రీజనల్‌ కాలేజ్‌ ఆఫ్‌ ఎడ్యుకేషన్‌ నుంచి ఫైన్‌ ఆర్ట్స్‌లో బీఈడీ పాసవ్వాలి.
  • టీజీటీ–పీఈటీ: బీపీఈడీ ఉత్తీర్ణత ఉండాలి. 
  • లైబ్రేరియన్‌: ర్తింపు పొందిన యూనివర్సిటీ నుంచి బ్యాచిలర్‌ ఆఫ్‌ లైబ్రరీ సైన్స్‌ ఉత్తీర్ణులవ్వా­లి. లేదా బ్యాచిలర్‌ డిగ్రీ అర్హతగా లైబ్రరీ సైన్స్‌లో ఏడాది వ్యవధిలోని డిప్లొమా ఉత్తీర్ణత సాధించాలి.
  • హాస్టల్‌ వార్డెన్‌: బ్యాచిలర్‌ డిగ్రీ లేదా ఎస్‌సీటీఈ నిర్వహించే నాలుగేళ్ల ఇంటిగ్రేటెడ్‌ బీఈడీ కోర్సు ఉత్తీర్ణులవ్వాలి.

వయసు

  • అన్ని పోస్ట్‌లకు 18.08.2023 నాటికి వయసు 18–35 ఏళ్ల మధ్య ఉండాలి. ఎస్‌సీ/ఎస్టీ అభ్యర్థులకు అయిదేళ్లు, ఓబీసీలకు మూడేళ్లు చొప్పున గరిష్ట వయో పరిమితిలో సడలింపు లభిస్తుంది.

ఎంపిక ప్రక్రియ

ఏకలవ్య గురుకుల పాఠశాలల్లో పోస్ట్‌ల భర్తీకి జాతీయ స్థాయిలో ఈఎంఆర్‌ఎస్‌ స్టాఫ్‌ సెలక్షన్‌ ఎగ్జామ్‌(ఈఎస్‌ఈఈ)ను నిర్వహించనున్నారు. ఈ పరీక్షలో మెరిట్‌ ఆధారంగా తుది జాబితా రూపొందించి నియామకాలు ఖరారు చేస్తారు.

120 మార్కులకు టీజీటీ పరీక్ష

టీజీటీ పోస్ట్‌లకు సంబంధించి రాత పరీక్షను నాలుగు విభాగాలుగా మొత్తం 120 మార్కులకు నిర్వహిస్తారు. పార్ట్‌–1 జనరల్‌ అవేర్‌నెస్‌ 10 ప్రశ్నలు–10 మార్కులు; పార్ట్‌–2 రీజనింగ్‌ ఎబిలిటీ 10 ప్రశ్నలు–10 మార్కులు; పార్ట్‌–3 ఐసీటీ నాలెడ్జ్‌ 10 ప్రశ్నలు–10 మార్కులు; పార్ట్‌–4 టీచింగ్‌ ఆప్టిట్యూడ్‌ 10 ప్రశ్నలు–10 మార్కులు; పార్ట్‌–5 సంబంధిత సబ్జెక్ట్‌ 80 ప్రశ్నలు–80మార్కులు.. ఇలా మొత్తం 120 ప్రశ్నలు–120 మార్కులకు పరీక్ష జరుగుతుంది. టీజీటీ పరీక్ష వ్యవధి మూడు గంటలు. 

హాస్టల్‌ వార్డెన్‌ రాత పరీక్ష

ఏకలవ్య గురుకుల పాఠశాలల్లో భర్తీ చేయనున్న హాస్టల్‌ వార్డెన్‌ పోస్ట్‌లకు పత్యేక రాత పరీక్ష నిర్వహిస్తారు. ఈ పరీక్ష ఆరు విభాగాల్లో 120 మార్కులకు ఉంటుంది. పార్ట్‌–1 జనరల్‌ అవేర్‌నెస్‌ 10 ప్రశ్నలు–10 మార్కులు; పార్ట్‌–2 రీజనింగ్‌ ఎబిలిటీ 20 ప్రశ్నలు–20 మార్కులు; పార్ట్‌–3 ఐసీటీ నాలెడ్జ్‌ 20 ప్రశ్నలు–20 మార్కులు; పార్ట్‌–4 పోస్కో, బాలల భద్రతకు సంబంధించిన చట్టాలు 10 ప్రశ్నలు–10 మార్కులు; పార్ట్‌–5 అడ్మినిస్ట్రేటివ్‌ ఆప్టిట్యూడ్‌ 30 ప్రశ్నలు–30 మార్కులు; పార్ట్‌–6 లాంగ్వేజ్‌ కాంపిటెన్సీ(హిందీ, ఇంగ్లిష్, ప్రాంతీయ భాష) 30 ప్రశ్నలు–30 మార్కులు.. ఇలా మొత్తం 120 ప్రశ్నలు–120 మార్కులకు పరీక్ష జరుగుతుంది. పరీక్ష వ్యవధి రెండున్నర గంటలు.

లాంగ్వేజ్‌ కాంపిటెన్సీ టెస్ట్‌

  • టీజీటీ, హాస్టల్‌ వార్డెన్‌ పోస్టులకు అయిదు విభాగాల్లో పరీక్షతోపాటు.. ప్రత్యేకంగా లాంగ్వేజ్‌ కాంపిటెన్సీ టెస్ట్‌ను 30 మార్కులకు నిర్వహిస్తారు. అ­భ్యర్థులు తాము పరీక్షకు హాజరవుతున్న మాధ్యమానికి సంబంధించిన భాషలో ఈ టెస్ట్‌ ఉంటుంది. ఇందులో జనరల్‌ ఇంగ్లిష్‌ నుంచి 10 ప్రశ్నలు, హిందీ నుంచి 10 ప్రశ్నలు, ఎంచుకున్న లాంగ్వేజ్‌ నుంచి 10 ప్రశ్నలు చొప్పున అడుగుతారు. 
  • లాంగ్వేజ్‌ కాంపిటెన్సీ టెస్ట్‌లో భాగంగా మొత్తం 18 భాషల్లో ఏదో ఒకదాన్ని ఎంచుకునే అవకాశముంది. బెంగాలీ, డోంగ్రి, గారో, గుజరాతీ, హిందీ, కన్నడ, కశ్మీరీ, ఖాసీ, మళయాళం, మణిపురి, మరాఠి, మిజో, నేపాలి, ఒడియా, సంథాలి, తెలుగు, ఉర్దూ బాషల్లో ఏదో ఒక భాషను రీజనల్‌ లాంగ్వేజ్‌గా ఎంచుకోవచ్చు.
  • టీజీటీ పోస్ట్‌లకు సంబంధించి లాంగ్వేజ్‌ కాంపిటెన్సీ టెస్ట్‌ను కేవలం అర్హత విభాగంగానే పేర్కొన్నారు. ఇందులో ఇంగ్లిష్, హిందీ, రీజనల్‌ లాంగ్వేజ్‌ మూడు భాషల్లోనూ 40 శాతం మార్కులు చొప్పున పొందాల్సి ఉంటుంది. అప్పుడే మిగతా విభాగాలను మూల్యాంకన చేస్తారు.

నెగెటివ్‌ మార్కులు

టీజీటీతోపాటు హాస్టల్‌ వార్డెన్‌.. ఈ రెండు పరీక్షలు ఓఎంఆర్‌ బేస్డ్‌ టెస్ట్‌గా పెన్‌–పేపర్‌ విధానంలో ఆబ్జెక్టివ్‌ తరహాలో ఉంటాయి. ప్రతి ప్రశ్నకు ఒక మార్కు కేటాయిస్తారు. ప్రతి తప్పు సమాధానానికి 1/4వ వంతు మార్కు తగ్గిస్తారు. 

ముఖ్య సమాచారం

  • దరఖాస్తు విధానం: ఆన్‌లైన్‌లో దరఖాస్తు చేసుకోవాలి.
  • ఆన్‌లైన్‌ దరఖాస్తులకు చివరి తేదీ: 18.08.2023
  • ఈఎస్‌ఈఈ పరీక్ష తేదీ: నవంబర్‌లో నిర్వహించే అవకాశం ఉంది.
  • తెలుగు రాష్ట్రాల్లో పరీక్ష కేంద్రాలు: విజయవాడ, హైదరాబాద్‌.
  • పూర్తి వివరాలకు వెబ్‌సైట్‌: https://emrs.tribal.gov.in/

రాత పరీక్షలో రాణించేలా

జనరల్‌ అవేర్‌నెస్‌

ఈ విభాగంలో మంచి మార్కుల కోసం స్టాక్‌ జీకేతో పాటు కరెంట్‌ అఫైర్స్‌పై ప్రత్యేక దృష్టి పెట్టాలి. ముఖ్యంగా ఇటీవల కాలంలో జరిగిన జాతీయ–అంతర్జాతీయ ఒప్పందాలు, కేంద్ర ప్రభుత్వ తాజా సంస్కరణలు/విధానాలు వంటి వాటిపై దృష్టి పెట్టాలి.

రీజనింగ్‌ ఎబిలిటీ

పజిల్స్, సీటింగ్‌ అరేంజ్‌మెంట్, డేటా సఫిషియన్సీ, వెర్బల్‌ రీజనింగ్, బ్లడ్‌ రిలేషన్స్, సీక్వెన్సెస్, సిరీస్, డైరెక్షన్స్, అసెర్షన్‌ అండ్‌ రీజన్, వెన్‌ డయాగ్రమ్‌లను ప్రాక్టీస్‌ చేయాలి.

టీచింగ్‌ ఆప్టిట్యూడ్‌

ఈ విభాగం కోసం టీచింగ్‌ విధానాలు, భావన లు,లక్ష్యాలు, ప్రాథమిక అవసరాలు, అభ్యాసకు ల ధర్మాలు, టీచింగ్‌ను ప్రభావితం చేసే అంశాలు, టీచింగ్‌ మెథడ్స్, టీచింగ్‌ ఎయిడ్స్, మూల్యాంకన విధానాలపై అవగాహన పెంచుకోవాలి.

ఐసీటీ నాలెడ్జ్‌

ఈ విభాగం కోసం కంప్యూటర్‌ సిస్టమ్‌ ప్రాథమిక భావనలు, ఆపరేటింగ్‌ సిస్టమ్స్‌ బేసిక్స్, ఎంఎస్‌ ఆఫీస్, కీ–బోర్డ్‌ షాట్‌ కర్ట్స్, కంప్యూటర్‌కు సంబంధించిన పదజాలం, అబ్రివేషన్లు, కంప్యూటర్‌ నెటవర్క్స్, సైబర్‌ సెక్యూరిటీ, ఇంటర్నెట్‌ సంబంధిత అంశాలపై దృష్టి పెట్టాలి.

సబ్జెక్ట్‌ మెథడాలజీ

పార్ట్‌–5గా ఉండే డొమైన్‌ నాలెడ్జ్‌లో.. సబ్జెక్ట్‌ మెథడాలజీ నుంచి 65 ప్రశ్నలు అడుగుతారు. అభ్యర్థులు బ్యాచిలర్‌ డిగ్రీ స్థాయిలో తాము చదివిన సబ్జెక్ట్‌లపై అవగాహన పెంచుకోవాలి. ఆయా సబ్జెక్ట్‌లకు సంబంధించి భావనలు, సిద్ధాంతాలు, నిబంధనలను విశ్లేషిస్తూ అధ్యయనం చేస్తే..ఏ కోణంలో ప్రశ్న అడిగినా సమాధానం ఇచ్చే సన్నద్ధత లభిస్తుంది.

పెడగాజీపైనా

పార్ట్‌–5లోనే యాక్టివిటీ బేస్డ్‌ పెడగాజీ, కేస్‌ ఆధారిత ప్రశ్నలు 10 అడుగుతారు. అభ్యర్థులు.. విద్యా దృక్పథాలు, పెడగాజీ, చైల్డ్‌ డెవలప్‌మెంట్, శిశు వికాసం వంటి అంశాలపై దృష్టి పెట్టాలి. పెడగాజికి సంబంధించి సహిత విద్య, శిశువు విద్యా ప్రణాళిక, బోధన పద్ధతులు, మూల్యాంకనం–నాయకత్వం–గైడెన్స్‌–కౌన్సెలింగ్‌ గురించి అధ్యయనం చేయాలి. ఎడ్యుకేషన్‌కు సంబంధించిన చట్టాలపై పూర్తి అవగాహన పొందాలి. ముఖ్యంగా నూతన విద్యా విధానం–2020పై ప్రత్యేక దృష్టి పెట్టాలి. 

లైబ్రేరియన్‌ రాత పరీక్ష

లైబ్రేరియన్‌ పోస్ట్‌లకు నిర్వహించే రాత పరీక్షలో రాణించేందుకు.. లైబ్రరీ అండ్‌ ఇన్ఫర్మేషన్‌ సైన్స్‌ ఫౌండేషన్, నాలెడ్జ్‌ ఆర్గనైజేషన్, ఇన్ఫర్మేషన్‌ ప్రాసెసింగ్, ఇన్ఫర్మేషన్‌ టెక్నాలజీ బేసిక్స్, మేనేజ్‌మెంట్‌ ఆఫ్‌ లైబ్రరీస్‌ అండ్‌ ఇన్ఫర్మేషన్‌ సెంటర్స్‌/ ఇన్‌స్టిట్యూషన్స్, ఇన్ఫర్మేషన్‌ సోర్సెస్, సర్వీసెస్, లైబ్రరీ యూజర్స్‌కు సంబంధించి అన్ని అంశాలపైనా అవగాహన పెంచుకోవాలి.

- | For applications visit Gemini Internet with your own ATM Gemini Internet, D L Road, Hindupur | - - | అప్లికేషన్‌ల కోసం మీ స్వంత ATM జెమిని ఇంటర్నెట్‌తో జెమిని ఇంటర్నెట్‌ని సందర్శించండి, DL రోడ్, హిందూపూర్ | - https://geminiinternethindupur.blogspot.com/2023/02/list-of-hindupur-and-other-areas.html
వద్ద కామెంట్‌లు లేవు:
దీనికి సబ్‌స్క్రయిబ్ చేయి: పోస్ట్‌లు (Atom)