GEMINI TIMES | 06-06-2020 | HINDUPUR

త్వరలో డిగ్రీ పరీక్షలు

శ్రీ కృష్ణ దేవరాయ యూనివర్సిటీ పరిధిలోని కాలేజీల్లో జులైలో డిగ్రీ పరీక్షలు నిర్వహించేందుకు ఎస్ కె యు అధికారులు సన్నాహాలు చేపట్టారు. పరీక్షల నిర్వహణ పై విధివిధానాల వివరాలు ఉన్నత విద్యామండలి నుంచి రెండు రోజులలో వస్తాయని వర్సిటీ అధికారులు తెలిపారు. ముందుగా డిగ్రీ ఆరో సెమిస్టర్ పరీక్ష నిర్వహించిన తరువాత సప్లిమెంతరీ పరీక్షలు నిర్వహిస్తారు.

మారిన ఓపెన్ స్కూల్ పరీక్ష తేదీలు

ఏప్రిల్, మే నెలలో జరగాల్సిన పరీక్షలు వాయిదా వేశామని, ఎ పి ఓపెన్ స్కూల్ సొసైటీ ఆధ్వర్యంలో నిర్వహిస్తున్న పదో తరగతి, ఇంటర్ పబ్లిక్ పరీక్ష తేదీల్లో మార్పు చేశామని, జులై 18 నుంచి 24 వరకు  పబ్లిక్ పరీక్షలు, 27 నుంది 29 వరకు ప్రాక్టికల్స్ నిర్వహిస్తున్నట్లు జిల్లా విద్యాశాఖాధికారి శామ్యూల్ తెలిపారు.

అర్చకులకు ఆర్థిక సాయం | నేడే చివరి అవకాశం

చిన్న దేవాలయాల అర్చకులకు 5 వేల ఆర్థిక సాయమందించే ప్రభుత్వ స్కూము ద్వారా ఇప్పటికీ సాయం అందని అర్చకులెవరైనా  ఉంటే నేటితో చివరి అవకాశమని దేవాదాయశాఖ జిల్లా సహాయ కమిషనర్ రామాంజనేయులు శుక్రవారం తెలిపారు. 669 మంది అర్చకుల ఆధార్ నెంబరు, బ్యాంకు ఖాతా నెంబరు, ఐ ఎఫ్ సి కోడ్ వంటివి సరిగా లేనందువల్ల వారి ఖాతాల్లో ఆర్థిక సాయం జమకాలేదని, జమ కాని అర్హులైన అర్చకులు ఈ క్రింది తెలిపిన నెంబర్లకు ఫోన్ చేసి సమాచారం పొందవచ్చని అన్నారు. అనంతపురం డివిజన్ - లక్ష్మీనారాయణ 8985552149, ఉరవకొండ డివిజన్ - రామతులసి 9110738458,హిందూపురం డివిజన్ - నరసింహరాజు 9989621870.