BMRC Recruitment 2021: బెంగళూరు మెట్రో రైల్ లో జాబ్స్.. దరఖాస్తుకు మరికొన్ని రోజులే ఛాన్స్.. ఇలా అప్లై చేయండి

బెంగళూరు మెట్రో రైల్ లో జాబ్స్.. దరఖాస్తుకు మరికొన్ని రోజులే ఛాన్స్.. ఇలా అప్లై చేయండి

నిరుద్యోగులకు బెంగళూరు మెట్రో రైల్ కార్పోరేషన్ (BMRC) పలు ఉద్యోగాల భర్తీకి జాబ్ నోటిఫికేషన్ (Job Notification) విడుదల చేసింది. అర్హత, ఆసక్తి కలిగిన అభ్యర్థులు జనవరి 17లోగా అప్లై చేసుకోవాలని నోటిఫికేషన్లో స్పష్టం చేశారు.

బెగంళూరు మెట్రో రైల్ కార్పొరేషన్ లిమిటెడ్ (BMRC) నిరుద్యోగులకు శుభవార్త చెప్పింది. పలు ఉద్యోగాలను (Jobs) భర్తీ చేయనున్నట్లు ప్రకటించింది. ఈ మేరకు సంస్థ తాజాగా నోటిఫికేషన్ (Job Notification) జారీ చేసింది. సెక్షన్ ఇంజనీర్స్ తో పాటు పలు ఇతర ఖాళీలను భర్తీ చేయనున్నట్లు నోటిఫికేషన్లో (Notification) పేర్కొన్నారు. అర్హత, ఆసక్తి కలిగిన అభ్యర్థులు ఆన్లైన్ విధానంలో అప్లై చేసుకోవాల్సి ఉంటుంది. దరఖాస్తు ప్రక్రియ ఇప్పటికే ప్రారంభమైంది. అప్లై చేసుకోవడానికి జనవరి 17ను ఆఖరి తేదీగా నిర్ణయించారు. అర్హత, ఆసక్తి కలిగిన అభ్యర్థులు ఆ తేదీలోగా అప్లై చేసుకోవాలని నోటిఫికేషన్లో స్పష్టం చేశారు. ఎంపికైన అభ్యర్థులు మూడేళ్ల పాటు కాంట్రాక్ట్ విధానంలో పని చేయాల్సి ఉంటుంది.

పోస్టుల వారీగా ఖాళీల వివరాలు ఇలా ఉన్నాయి..

పోస్టు	ఖాళీలు
చీఫ్ ఇంజనీర్	1
అడిషనల్ చీఫ్ ఇంజనీర్/డిప్యూటీ చీఫ్ ఇంజనీర్	2
డిప్యూటీ జనరల్ మేనేజర్(Arch)	1
ఎగ్జిక్యూటీవ్ ఇంజనీర్ డిజైన్	2
మేనేజర్(Arch)	1
అసిస్టెంట్ ఎగ్జిక్యూటివ్ ఇంజనీర్, డిజైన్	2
అసిస్టెంట్. ఇంజనీర్-డిజైన్	3
సెక్షన్ ఇంజనీర్	5
మొత్తం	17

అర్హతల వివరాలు..

చీఫ్ ఇంజనీర్: సివిల్ ఇంజనీరింగ్ లో బీఈ/బీటెక్ చేసిన వారు ఈ ఖాళీలకు అప్లై చేసుకోవచ్చు. స్ట్రక్చరల్ ఇంజనీరింగ్ లో పీజీ చేసిన వారికి ప్రాధాన్యం ఉంటుంది.

అడిషనల్ చీఫ్ ఇంజనీర్/డిప్యూటీ చీఫ్ ఇంజనీర్: సివిల్ ఇంజనీరింగ్ లో బీఈ/బీటెక్ చేసిన వారు ఈ ఉద్యోగాలకు అప్లై చేసుకోవచ్చు.

డిప్యూటీ జీఎం: Arch లేదా ప్లానింగ్ లో డిగ్రీ చేసిన వారు ఈ ఖాళీలకు అప్లై చేసుకోవచ్చు.

ఎగ్జిగ్యూటివ్ ఇంజనీర్ డిజైన్: సివిల్ ఇంజనీరింగ్ లో బీఈ/బీటెక్ చేసిన వారు ఈ ఖాళీలకు అప్లై చేసుకోవచ్చు.

మేనేజర్(Arch): బీ.ఆర్క్ లేదా అందుకు సమానమైన విద్యార్హత కలిగిన వారు ఈ ఖాళీలకు అప్లై చేసుకోవచ్చు.

డిప్యూటీ మేనేజర్ (Arch): బీ.ఆర్క్ లేదా అందుకు సమానమైన విద్యార్హత కలిగిన వారు ఈ ఖాళీలకు అప్లై చేసుకోవచ్చు.

అసిస్టెంట్ ఎగ్జిక్యూటివ్ ఇంజనీర్, డిజైన్: సివిల్ ఇంజనీరింగ్ లో బీటెక్ లేదా అందుకు సమానమైన విద్యార్హత కలిగిన వారు ఈ ఖాళీలకు అప్లై చేసుకోవచ్చు.

సెక్షన్ ఇంజనీర్(Arch): ఆర్కిటెక్చర్ లో డిగ్రీ/డిప్లొమా చేసిన వారు ఈ ఖాళీలకు అప్లై చేసుకోవచ్చు.
సెక్షన్ ఇంజనీర్(డిజైన్): సివిల్ ఇంజనీరింగ్ లో బీఈ/బీటెక్ చేసిన వారు ఈ ఖాళీలకు అప్లై చేసుకోవచ్చు.

వేతనాల వివరాలు: ఈ ఉద్యోగాలకు ఎంపికైన వారికి రూ. 40 వేల నుంచి రూ. 1.65 లక్షల వరకు వేతనం ఉంటుందని నోటిఫికేషన్లో తెలిపారు. వేర్వేరు ఉద్యోగాలకు వేర్వేరుగా వేతనం ఉంటుంది.

ఎలా అప్లై చేయాలంటే..
Step 1: అర్హత, ఆసక్తి కలిగిన అభ్యర్థులు మొదటగా ఈ లింక్ ద్వారా అధికారిక వెబ్ సైట్ ఓపెన్ చేయాలి.
Step 2:  అనంతరం హోం పేజీలో Career ఆప్షన్ పై క్లిక్ చేయాలి.

Step 3: కొత్త పేజీ ఓపెన్ అవుతుంది. అక్కడ నోటిఫికేషన్ వివరాల పక్కన Click here to Apply Online అనే ఆప్షన్ కనిపిస్తుంది. దానిపై క్లిక్ చేయాలి.

Step 4: తర్వాత కావాల్సిన వివరాలను నమోదు చేసి అప్లికేషన్ ఫామ్ ను నింపాలి. తర్వాత ఆఫామ్ ను ప్రింట్ తీసుకోవాలి.

Step 5: అప్లికేషన్ ఫామ్ కు కావాల్సిన ధ్రువపత్రాలను జత చేసి General Manager (HR), Bangalore Metro Rail Corporation Limited, III Floor, BMTC Complex, K.H. Road, Shanthinagar, Bengaluru 560027 చిరునామాకు గడువులోగా చేరేలా పంపించాలి.