PF Transfer: రెండు, మూడు ఉద్యోగాలు మారారా..? పీఎఫ్‌ బదిలీ గురించి ముఖ్యమైన వివరాలు తెలుసుకోండి.

PF Transfer: మీరు తక్కువ సమయంలో రెండు, మూడు ఉద్యోగాలు మారారా.. మీ పీఎఫ్ అకౌంట్స్‌ అన్ని పెండింగ్‌లో ఉండిపోయాయా..? సాధారణంగా ఉద్యోగాలు మారినప్పుడు అందరికి ఈ భయం ఉంటుంది. కానీ ఇప్పుడు అటువంటి ఇబ్బంది ఏది ఉండదు. అన్ని కొత్త కంపెనీకి బదిలీ చేసుకోవచ్చు. ఆన్‌లైన్‌లో సులభంగా చేసుకోవచ్చు. ఎంప్లాయి ప్రావిడెంట్ ఫండ్ ఆర్గనైజేషన్(EPFO) తన ఖాతాదారుల సౌలభ్యం కోసం నిరంతరం చర్యలు తీసుకుంటోంది. EPFO చాలా సేవలు ఇప్పుడు ఆన్‌లైన్‌లో అందుబాటులో ఉన్నాయి. దీని కోసం మీరు EPFO ​​వెబ్‌సైట్‌ను సందర్శించాల్సి ఉంటుంది.

యూనివర్సల్ అకౌంట్ నంబర్ లేదా UAN ప్రారంభించినప్పటి నుంచి PF బ్యాలెన్స్‌ని ఆన్‌లైన్‌లో బదిలీ చేసే ప్రక్రియ సులభమైంది. UANతో, డబ్బు వేర్వేరు ఖాతాలలో ఉన్నప్పటికీ, ఉద్యోగి అన్ని ఖాతాలు ఒకే చోట ఉంటాయి. కాబట్టి, మీరు మీ UANని మీ ప్రస్తుత యజమానులకి షేర్ చేయడం ద్వారా నిధులన్ని ఒక్కచోటికి బదిలీ చేసుకోవచ్చు. ఇది కాకుండా, EPFO ​​2020లో కోవిడ్-19 మహమ్మారి మధ్య తన ట్విట్టర్ హ్యాండిల్ ద్వారా ఆన్‌లైన్‌లో మీ PF బ్యాలెన్స్‌ను బదిలీ చేయడానికి ఆరు సులభమైన దశలను సూచించింది.

1. ఉద్యోగి EPFO ​​https://unifiedportal-mem.epfindia.gov.in/memberinterface/ యూనిఫైడ్ పోర్టల్‌కి వారి UAN నంబర్, పాస్‌వర్డ్‌ని ఉపయోగించి లాగిన్ కావాలి.

2. మీరు లాగిన్ అయినప్పుడు ఆన్‌లైన్ సేవల కింద అందుబాటులో ఉండే ‘సభ్యుడు – EPF ఖాతా (బదిలీ అభ్యర్థన)’పై క్లిక్ చేయాలి.

3.మీరు ప్రస్తుతం ఉద్యోగం కోసం వ్యక్తిగత సమాచారాన్నిధృవీకరించాలి.

4. మునుపటి ఉద్యోగానికి సంబంధించిన PF ఖాతాకు సంబంధించిన వివరాలను తెలుసుకోవడానికి మీరు దిగువన ఉన్న ‘వివరాలను పొందండి’పై క్లిక్ చేయాలి.

5. DSC లభ్యత ఆధారంగా క్లెయిమ్ ఫారమ్‌ను ధృవీకరించడం కోసం, మీరు మీ మునుపటి యజమాని లేదా ప్రస్తుత యజమానిని ఎంచుకోవడానికి ఎంపికలను పొందుతారు. మీరు యజమానులలో ఎవరినైనా ఎంచుకోవచ్చు.

6. మీరు UAN నమోదిత మొబైల్ నంబర్‌కు ‘OTP పొందండి’ దానిని నమోదు చేసి ఓకె బటన్‌పై క్లిక్ చేయాలి.

7. పైన పేర్కొన్న ప్రక్రియను పూర్తి చేసిన తర్వాత యజమాని ఏకీకృత పోర్టల్, యజమాని ఇంటర్‌ఫేస్‌ను యాక్సెస్ చేయడం ద్వారా మీ EPF బదిలీ అభ్యర్థనను డిజిటల్‌గా ఆమోదిస్తారు. మీరు ఫారమ్ 13ని నింపాల్సి ఉంటుంది. PDF ఫార్మాట్‌లో ఉండే బదిలీ క్లెయిమ్‌ను డౌన్‌లోడ్ చేసుకోవాలి. ఈ విధంగా పని సలువుగా చేసుకోవచ్చు.

Gemini Internet

Epfo : ఈఫీఎఫ్‌వో అకౌంట్ హోల్డర్స్‌కు గుడ్ న్యూస్

Epfo : కేంద్రం ఈపీఎఫ్‌వో అకౌంట్ హోల్డర్లకు గుడ్ న్యూస్ చెప్పింది. మెడికల్ ఖర్చుల భారాన్ని తగ్గించుకునేలా వైద్య ప్రయోజనాల కోసం ఈపీఎఫ్ వో సభ్యులు తమ అకౌంట్ నుంచి లక్ష రూపాయల వరకు పీఎఫ్ విత్ డ్రా చేసుకునే అవకాశం కల్పించింది. ఈ విషయాన్ని ఈపీఎఫ్ వో సంస్థ అధికారికంగా తెలిపింది.ఈపీఎఫ్‌వో అకౌంట్ హోల్డర్స్.. తమ అకౌంట్ నుంచి లక్ష రూపాయల వరకు పీఎఫ్ విత్ డ్రా చేసుకునే ఫెసిలిటీని ఎటువంటి డాక్యుమెంట్స్ అవసరం లేకుండానే ఈపీఎఫ్‌వో కల్పించింది. ఖాతాదారులు ఈ ఫెసిలిటీతో లక్ష రూపాయల వరకు విత్ డ్రా చేసుకోవచ్చు.

అయితే, డాక్యుమెంట్స్ సమర్పించాల్సిన అవసరం లేదు. కానీ, కొన్ని నిబంధనలకు లోబడి మాత్రమే వారు పీఎఫ్ విత్ డ్రా చేసుకోవాల్సి ఉంటుంది.పీఎఫ్ అకౌంట్ నుంచి డబ్బులు విత్ డ్రా చేసుకునే క్రమంలో వారు కంపల్సరీగా ఈ నిబంధనలను ఫాలో కావాల్సి ఉంటుంది. మెడికల్ ఎమర్జెన్సీ అనగా వైద్య సదుపాయాల కోసమే ఈ మనీని విత్ డ్రా చేసుకుంటున్న క్రమంలోనే వ్యక్తి తప్పనిసరిగా సదరు వ్యక్తి తప్పనిసరిగా ప్రభుత్వ ఆస్పత్రి లేదా సీజీహెచ్‌ఎస్‌ ప్యానెల్ హాస్పిటల్‌లోనే చేరాలి. ఒకవేళ ప్రైవేటు ఆస్పత్రిలో చేరితే కనుక చేరే ముందనే డబ్బులు విత్ డ్రా చేసుకోవచ్చు.

Gemini Internet

Epfo : ఎటువంటి డాక్యుమెంట్స్ అవసరం లేకుండానే..

ఇందుకుగాను ముందు రోజు పీఎఫ్ ఆఫీస్ లో అప్లికేషన్ చేయాల్సి ఉంటుంది. అలా అప్లికేషన్ చేసుకున్న మరుసటి రోజే మనీ అకౌంట్ కు ట్రాన్స్ ఫర్ అవుతుంది. నెక్స్ట్ డే మనీ ట్రాన్స్ ఫర్ అవుతుంది తప్ప అదే రోజు అయితే ట్రాన్స్ ఫర్ కాదు. ఈ అమౌంట్ సదరు వ్యక్తి పర్సనల్ అకౌంట్ లేదంటే ఆస్పత్రి బ్యాంకు అకౌంట్‌కు ట్రాన్స్ ఫర్ అవుతుంది. అయితే, ఈ పనులను మీరు ఈపీఎఫ్ ఇండియా వెబ్ సైట్ ద్వారా చేసుకోవచ్చు. వెబ్ పోర్టల్ లో ఆన్ లైన్ సేవల ఆధారంగా మీరు ఈ పని చేయొచ్చు. అలా మీరు మీ పీఎఫ్ మనీని క్లెయిమ్ చేసుకోవచ్చు.

 

NVS Recruitment 2022: నిరుద్యోగులకు గుడ్‌న్యూస్.. నవోదయ విద్యాలయంలో 1900 పైగా నాన్ టీచింగ్ పోస్టుల భర్తీకి నోటిఫికేషన్..

Navodaya Vidyalaya Recruitment 2022: నవోదయ విద్యాలయ సమితి (NVS) 1900 పైగా నాన్ టీచింగ్ పోస్టుల భర్తీకి భారతీయ పౌరుల నుంచి ఆన్‌లైన్ దరఖాస్తులను ఆహ్వానిస్తోంది. దేశవ్యాప్తంగా ఉన్న జవహర్ నవోదయ విద్యాలయాల్లో (JNV) అసిస్టెంట్ కమిషనర్ (గ్రూప్-A), జూనియర్ సెక్రటేరియట్ అసిస్టెంట్, మహిళా స్టాఫ్ నర్స్, స్టెనోగ్రాఫర్ (గ్రూప్ C), అనేక ఇతర ఖాళీలను రిక్రూట్‌మెంట్ డ్రైవ్ ద్వారా భర్తీ చేస్తున్నారు.

నవోదయ విద్యాలయ రిక్రూట్‌మెంట్: పోస్ట్‌లు, ఖాళీల వివరాలు

అసిస్టెంట్ కమిషనర్- 5 పోస్టులు, అసిస్టెంట్ కమిషనర్ (అడ్మిన్)-2 పోస్టులు, అసిస్టెంట్ సెక్షన్ ఆఫీసర్-10 పోస్టులు, ఆడిట్ అసిస్టెంట్- 11 పోస్టులు, జూనియర్ ట్రాన్స్‌లేషన్ ఆఫీసర్- 4 పోస్టులు, జూనియర్ ఇంజనీర్ (సివిల్)-1 పోస్టు, స్టెనోగ్రాఫర్లు- 22 పోస్టులు, కంప్యూటర్ ఆపరేటర్- 4 పోస్టులు, జూనియర్ సెక్రటేరియట్ అసిస్టెంట్- 630 పోస్టులు, మల్టీ టాస్కింగ్ స్టాఫ్-23 పోస్టులు, మహిళా స్టాఫ్ నర్సు- 82 పోస్టులు, క్యాటరింగ్ అసిస్టెంట్- 87 పోస్టులు, ఎలక్ట్రీషియన్ కమ్ ప్లంబర్- 273 పోస్టులు, ల్యాబ్ అటెండెంట్- 142 పోస్టులు, 6292 పోస్టులు పోస్ట్‌లు  

అర్హత: వివిధ పోస్టులకు అవసరమైన కనీస విద్యార్హతను నిర్ణయించింది. సంబంధిత విభాగాల్లో మాస్టర్స్ డిగ్రీ, డిప్లొమా, మెట్రిక్యులేషన్ ఉండాలి. 

వయోపరిమితి: వివిధ పోస్టులకు గరిష్ట వయోపరిమితి 45, 40,35, 30, 27 సంవత్సరాలుగా నిర్ణయించారు. 

ఎలా దరఖాస్తు చేయాలి: ఆన్‌లైన్ దరఖాస్తు ఫారమ్‌ను సమర్పించడం జనవరి 12, 2022 నుండి అధికారిక వెబ్‌సైట్  ద్వారా ప్రారంభించబడింది. ఇది ఫిబ్రవరి 10, 2022న ముగుస్తుంది. 

దరఖాస్తు రుసుము: వివిధ పోస్టులకు దరఖాస్తు రుసుము రూ. 1500 మరియు రూ. 750 మధ్య ఉంటుంది. 

ఎంపిక విధానం: కంప్యూటర్ బేస్డ్ టెస్ట్ (CBT) మరియు ఇంటర్వ్యూలో వారి పనితీరు ఆధారంగా అభ్యర్థులు షార్ట్‌లిస్ట్ చేయబడతారు. CBT తాత్కాలికంగా మార్చి 9, 2022, మార్చి 11, 2022 మధ్య నిర్వహించబడుతుంది. 

నవోదయ విద్యాలయ రిక్రూట్‌మెంట్ 2022 వివరణాత్మక ప్రకటన కోసం ఇక్కడ క్లిక్ చేయండి

Gemini Internet

ఆదాయపు పన్నులో మార్పులు? స్టాండర్డ్ డిడక్షన్ 35% వరకు పెంపు!

ఒక వ్యక్తి లేదా సంస్థ ఆదాయంపై విధించిన పన్ను, వారి ఆదాయ లేదా లాభాలను బట్టి మారుతుంది. చట్ట ప్రకారం వ్యక్తులు లేదా సంస్థలు ఆదాయ పన్ను రిటర్న్స్ దాఖలు చేయాలి. ఇందులో స్టాండర్డ్ డిడక్షన్ మినహాయింపు ఉంటుంది. ఆదాయపు పన్ను ప్రకారం మినహాయించడం లేదా వ్యక్తి పెట్టిన పెట్టుబడి స్టాండర్డ్ డిడక్షన్. స్టాండర్డ్ డిడక్షన్ అనేది స్థిర మినహాయింపు సంస్థతో ఉన్న స్థానంతో సంబంధం లేకుండా వేతనం నుండి తీయడం జరుగుతుంది. 

 

స్థిర డబ్బు వార్షిక వేతనం నుండి తీసివేయబడుతుంది. తద్వారా పన్ను విధించదగిన ఆదాయాన్ని తగ్గిస్తుంది. అప్పుడు చెల్లించే పన్ను మొత్తం తగ్గుతుంది. శాలరైడ్ లేదా పెన్షన్‌దారు స్టాండర్డ్ డిడక్షన్ పొందవచ్చు. 

 

స్టాండర్డ్ డిడక్షన్ పరిమితి పెంపుః- స్టాండర్డ్ డిడక్షన్ పరిమితి పెంపు రాబోయే బడ్జెట్‌లో వేతనం పొందే పన్ను చెల్లింపుదారులు, పెన్షనర్లకు అందుబాటులో ఉన్న స్టాండర్డ్ డిడక్షన్ పరిమితిని 30 శాతం నుండి 35 శాతం పెంచనున్నట్లు ప్రభుత్వం ఆలోచిస్తోందని తెలుస్తోంది. అయితే పరిమిత ఆర్థిక హెడ్ రూమ్ ఇచ్చిన ఆదాయపు పన్ను స్లాబ్స్ మారకుండా ఉండవచ్చునని అధికారులు తెలిపారు. 

 

ప్రస్తుతం స్టాండర్డ్ డిడక్షన్ పరిమితి రూ.50,000గా ఉంది. అయితే దీనిని పెంచాలని పరిశ్రమ వర్గాలు కోరుతున్నాయి. 

 

వ్యక్తిగత పన్నులపై పరిశ్రమ నుండి పలు సూచనలు ఉన్నాయి. ఈ సంవత్సరం ఒక సాధారణ డిమాండ్ స్టాండర్డ్ డిడక్షన్ పరిమితి పెంచడం. ముఖ్యంగా కరోనా కారణంగా వైద్య ఖర్చులు పెరిగాయని, పెరిగిన ధరలను పరిగణలోకి తీసుకోవాలని ఆర్థికమంత్రిత్వ శాఖకు చెందిన సీనియర్ అధికారులు చెబుతున్నారు. ఈ పెంపు 30 శాతం నుండి 35 శాతం పెంచాలనే ప్రతిపాదన ఉంది. 

 

2019లో రూ.50,000కు పెంపుః- 2019లో రూ.50,000కు పెంపు 2018లో స్టాండర్డ్ డిడక్షన్ రూ.40,000గా ఉంది. గతంలో దీని పరిమితిని 2019లో రూ.50,000కు పెంచారు. ఇప్పుడు మరోసారి దీనిని పెంచాలనే ప్రతిపాదనలు ఉన్నాయి. అయితే తాజా పన్ను వసూళ్ల పరిస్థితిని బట్టి ప్రతిపాదన తుది ఆమోదానికి లోబడి ఉంటుందని చెబుతున్నారు. కొత్త పన్ను విధానాన్ని ఎంచుకున్న పన్ను చెల్లింపుదారులకు ఎలాంటి స్టాండర్డ్ డిడక్షన్ మినహాయింపు అందుబాటులో లేదు. 

 

స్టాండర్డ్ డిడక్షన్ పరిమితిః- స్టాండర్డ్ డిడక్షన్ పరిమితి ప్రతి సంవత్సరం స్టాండర్డ్ డిడక్షన్ పరిమితిని పునఃపరిశీలించడాన్ని ప్రభుత్వం ఒక క్రమ పద్ధతిలో చేయాలని బిగ్ ఫోర్ అకౌంటింగ్ సంస్థ డెలాయిట్ భాగస్వామి సుధాకర్ సేతురామ అన్నారు. పెరిగిన ద్రవ్యోల్భణం, వర్క్ ఫ్రమ్ హోమ్ కారణంగా ఖర్చులు పెరిగాయని, ఇందుకు అనుగుణంగా కనీసం 25 శాతం వరకు పెంచాలన్నారు. ఫిబ్రవరి 1వ తేదీన కేంద్ర ఆర్థికమంత్రి నిర్మలా సీతారామన్ 2022-23 ఆర్థిక సంవత్సరానికి గాను బడ్జెట్‌ను ప్రవేశ పెడుతున్నారు.

Gemini Internet

మీరు ఈ విషయాలలో ఇన్‌కమ్‌ ట్యాక్స్‌ నుంచి తప్పించుకోవచ్చు..! కానీ ఇవి చాలామందికి తెలియదు..

Tax Savings: ఆదాయం పన్ను జీతం నుంచి కట్‌ అవుతుంది. అయితే పన్ను ఆదా చేయడానికి చాలా ఎంపికలు ఉన్నాయి. సాధారణంగా పన్ను ఆదా చేయాలంటే ఉత్తమ మార్గం 80Cలో పెట్టుబడి పెట్టడం. ఎందుకంటే దీని కింద రూ.1.5 లక్షల వరకు పన్ను సేవ్‌ అవుతుంది. అందుకే ప్రజలు చాలా మంది ఎల్‌ఐసి పాలసీలలో పెట్టుబడి పెడుతారు. ఎందుకంటే ఇది మంచి రాబడిని ఇస్తుంది పన్ను కూడా ఆదా చేస్తుంది. పోస్టాఫీసులో పథకాలలో కూడా పన్ను మినహాయింపు ఉంటుంది. కానీ కొన్నిసార్లు చిన్న చిన్న పొరపాట్ల వల్ల మీకు లభించే రాయితీ మిస్ చేసుకుంటారు. అలాంటి వాటి గురించి తెలుసుకుందాం.

ఎలక్ట్రిక్ వాహనంపై తగ్గింపు

ప్రస్తుతం ఎలక్ట్రిక్ వాహనాలకు డిమాండ్ ఫుల్ స్వింగ్‌లో ఉంది. కానీ ఎలక్ట్రిక్ వాహనాలు చాలా ఖరీదైనవి. కారు లోన్‌తో సహా చాలా విషయాలు అవసరం కావొచ్చు. అయితే ఎలక్ట్రిక్ వాహనంలో సెక్షన్ 80EEB కింద రూ. 1.50 లక్షల వరకు మినహాయింపు లభిస్తుంది. ఇది కాకుండా HRA పొందని వ్యక్తులు సెక్షన్ 80GG కింద అద్దె మినహాయింపు పొందవచ్చు. అంటే నెలకు 5 వేలు ఏటా 60,000 రూపాయలు తగ్గుతుంది. మరోవైపు, ప్రతిరోజూ చాలా కుటుంబాలు తమ పిల్లల కోసం విద్యా రుణాన్ని తీసుకుంటాయి. ఇది చాలా ఖరీదైనది కానీ మినహాయింపు గురించి వారికి తెలియదు. సెక్షన్ 80E కింద విద్యా రుణంపై మినహాయింపు లభిస్తుంది.

వికలాంగులకు మినహాయింపు

అదే సమయంలో వికలాంగులు సెక్షన్ 80U కింద మినహాయింపు పొందుతారు. వాస్తవ పరిస్థితిని బట్టి రూ.75 వేల నుంచి 1.50 లక్షల వరకు మినహాయింపు దొరకుతుంది. ఇది కాకుండా చాలా మంది మొదటి ఇల్లు కొనే సమయంలో డబ్బు ఆదా చేయడానికి ప్రయత్నిస్తారు. కానీ రెండో ఇల్లు కొనుగోలు చేసేటప్పుడు అలా చేయరు. అయితే రెండో గృహ రుణ వడ్డీపై కూడా పన్ను మినహాయింపు ఉంటుంది. దీనిలో మొత్తం పరిమితి రూ. 2 లక్షల వరకు ఉంటుంది.

విదేశాల నుంచి వచ్చే డబ్బుపై

బహుమతిపై ఎటువంటి పన్ను విధించరు. అదే విధంగా విదేశాల నుంచి వచ్చిన డబ్బును బహుమతిగా పరిగణించడంలో తప్పులేదు. కానీ 2.5 లక్షలకు పైగా రాబడి వస్తే దానిపై పన్ను విధిస్తారు.

 

Gemini Internet

RRB NTPC రిజల్ట్‌ డేట్‌ ప్రకటన.. CBT-2 షెడ్యూల్ కూడా తెలుసుకోండి..

RRB NTPC Result 2021: RRB NTPC పరీక్ష రాసిన అభ్యర్థులకు ముఖ్యమైన సమాచారం. రైల్వే రిక్రూట్‌మెంట్ బోర్డ్ NTPC CBT 1 పరీక్ష ఫలితాల తేదీని ప్రకటించింది. దీనికి సంబంధించి రైల్వే రిక్రూట్‌మెంట్ బోర్డు అలహాబాద్ అధికారిక వెబ్‌సైట్ rrbald.gov.in లో నోటీసు జారీ చేసింది. RRB NTPC ఫలితం 2021 తో పాటు CBT 2 పరీక్ష తేదీ కూడా ప్రకటించింది. అయితే ప్రస్తుత పరిస్థితుల దృష్ట్యా, పరీక్ష తేదీలు మారే అవకాశం ఉంది. RRB (రైల్వే రిక్రూట్‌మెంట్ బోర్డ్) జారీ చేసిన నోటీసు ప్రకారం.. రైల్వే నాన్-టెక్నికల్ పాపులర్ కేటగిరీ అంటే NTPC CBT 1 పరీక్ష ఫలితాలు 15 జనవరి 2022 రోజున ప్రకటిస్తారని తెలిపింది. మీరు మీ ఫలితాలను ఇలా తెలుసుకోండి.

RRB NTPC CBT 1 ఫలితం 2021 డిక్లరేషన్ తర్వాత మీరు మీ సంబంధిత RRB ప్రాంతీయ వెబ్‌సైట్‌ను సందర్శించాలి. ఉదాహరణకు RRB అలహాబాద్ కోసం rrbald.gov.in ఆ వెబ్‌సైట్ హోమ్ పేజీలో మీరు RRB NTPC ఫలితం 2021 (CBT 1) లింక్‌ని పొందుతారు. దానిపై క్లిక్ చేయండి. PDF ఫార్మాట్‌లో ఫలితం మీ మొబైల్ / కంప్యూటర్ స్క్రీన్‌లో కనిపిస్తుంది. పరీక్షలో ఉత్తీర్ణులైన అభ్యర్థులందరికీ రోల్ నంబర్లు ఇస్తారు.

 RRB NTPC CTB 2 పరీక్ష ఎప్పుడు? CBT 1 పరీక్షలో విజయం సాధించిన అభ్యర్థులు RRB NTPC CBT 2 పరీక్షకు హాజరవుతారు. ఈ పరీక్ష 14 ఫిబ్రవరి నుంచి 18 ఫిబ్రవరి 2022 వరకు నిర్వహిస్తారు. అయితే కోవిడ్-19 మహమ్మారి కారణంగా అప్పటి వరకు ఉన్న పరిస్థితి, ప్రభుత్వ మార్గదర్శకాల ప్రకారం తేదీలను మార్చవచ్చు. మీరు మరిన్ని వివరాలకు RRB వెబ్‌సైట్‌ని పరిశీలిస్తూ ఉండండి. NTPC CBT 1 పరీక్షను RRB 28 డిసెంబర్ 2020 నుంచి 31 జూలై 2021 వరకు మొత్తం 7 వేర్వేరు దశల్లో నిర్వహించిన సంగతి తెలిసిందే.

Wildlife Institute of India Recruitment: డబ్ల్యూఐఐలో 98 ప్రాజెక్ట్‌ పర్సనల్‌ పోస్టులు.. నెలకు రూ.42 వేల వ‌ర‌కు వేతనం

డెహ్రాడూన్‌లోని వైల్డ్‌లైఫ్‌ ఇన్‌స్టిట్యూట్‌ ఆఫ్‌ ఇండియా(డబ్ల్యూఐఐ).. ఒప్పంద ప్రాతిపదికన ప్రాజెక్ట్‌ పర్సనల్‌ పోస్టుల భర్తీకి దరఖాస్తులు కోరుతోంది.

మొత్తం పోస్టుల సంఖ్య: 98

పోస్టుల వివరాలు: ప్రాజెక్ట్‌ ఫెలో, ప్రాజెక్ట్‌ అసిస్టెంట్, ప్రాజెక్ట్‌ అసోసియేట్, వెటర్నరీ ఆఫీసర్, అసిస్టెంట్‌ ట్రెయినింగ్‌ కోఆర్డినేటర్‌.

అర్హత: పోస్టుల్ని అనుసరించి కనీసం 60 శాతం మార్కులతో సంబంధిత సబ్జెక్టుల్లో బ్యాచిలర్స్‌ డిగ్రీ, మాస్టర్స్‌ డిగ్రీ ఉత్తీర్ణులవ్వాలి. సంబంధిత పనిలో అనుభవం ఉండాలి.

వయసు: పోస్టుల్ని అనుసరించి 30 నుంచి 50 ఏళ్ల మధ్య ఉండాలి.
జీతం: పోస్టుల్ని అనుసరించి నెలకు రూ. 20,000 నుంచి రూ.42,000 వరకు చెల్లిస్తారు.

ఎంపిక విధానం: స్క్రీనింగ్‌ ద్వారా అభ్యర్థుల్ని షార్ట్‌లిస్ట్‌ చేస్తారు. షార్ట్‌లిస్ట్‌ చేసినవారిని ఇంటర్వ్యూ ఆధారంగా ఎంపికచేస్తారు.

దరఖాస్తు విధానం: ఆఫ్‌లైన్‌ ద్వారా దరఖాస్తు చేసుకోవాలి. దరఖాస్తును ది రిజిస్ట్రార్, వైల్డ్‌లైఫ్‌ ఇన్‌స్టిట్యూట్‌ ఆఫ్‌ ఇండియా, చంద్రబాని, పోస్ట్‌ ఆఫీస్‌ –మొహిబీవాలా, డెహ్రాడూన్, 248002, ఉత్తరాఖండ్‌ చిరునామకు పంపించాలి.

దరఖాస్తులకు చివరి తేది: 25.01.2022

వెబ్‌సైట్‌: https://www.wii.gov.in/

 

Gemini Internet