Gemini Internet | Dhanalakshmi Road | Hindupur

అప్లికేషన్ల కోసం సంప్రదించండి జెమిని ఇంటర్నెట్, D L రోడ్, హిందూపురం | ఫోన్ 9640006015 | పని చేయు వేళలు ఉదయం 9.00 గంటల నుండి సాయంత్రం 6.00 వరకు | ప్రతి ఆదివారం సెలవు | విద్యా ఉద్యోగ అప్లికేషన్లకు 200/- రూపాయలు ఫీజు

29, సెప్టెంబర్ 2023, శుక్రవారం

రెజ్యూమె ప్లాన్‌కు సూచనలు | రెజ్యూమె రాయడంలో జాగ్రత్తలు

రెజ్యూమె.... ఎదుటివారికి మనపై కలిగే తొలి అభిప్రాయం. అది ఎంత పాజిటివ్‌ కోణంలో ఉంటే... మన పని అంత సులువుగా జరుగుతుంది. అయితే ఇందులో అకడమిక్‌ గ్యాప్‌ లేదా ఉద్యోగం దొరక్క ఖాళీగా ఉన్న సమయం మనల్ని కాస్త ఇబ్బంది పెట్టే అంశం. దీనికి సంబంధించి ప్రశ్నలు ఎదుర్కొనే సమయంలో ఏం చేయాలంటే...

ఏదైనా ముఖాముఖి పరీక్షకు హాజరయ్యేటప్పుడు... విద్యార్థిగానైనా, ఉద్యోగంలో చేరాక అయినా ఏడాది, రెండేళ్లు ఖాళీగా ఉన్నట్లు కనిపిస్తే... అది అవతలివారిని మనపట్ల ఆలోచనలో పడేస్తుంది. మనకిచ్చే అవకాశాన్ని ప్రభావితం చేస్తుంది. అయితే కొన్నిసార్లు ఈ విరామం అనివార్యంగా వస్తుంటుంది. అందుకే దీనికి సంబంధించిన ప్రశ్నలకు కొంత ఆలోచించి సమాధానాలు ఇవ్వాలి. అప్పుడే మనకు రావాల్సిన అవకాశంపై ఎటువంటి దుష్ప్రభావం పడకుండా జాగ్రత్త పడొచ్చు.

‣ ఇటువంటి సమయాల్లో మొట్టమొదట చేయాల్సిన విషయం ఆ ఖాళీ గురించి నిజాయతీగా చెప్పడం. రెజ్యూమెలోనైనా, నేరుగానైనా గ్యాప్‌ గురించి పూర్తిగా నిజమే చెప్పాలి. అదే సమయంలో మీరు కొత్త విషయాలు నేర్చుకోవడం ఎక్కడా ఆపలేదు అనే అంశాన్ని స్పష్టం చేయాలి. మీకున్న అదనపు నైపుణ్యాలను ప్రస్తావిస్తూ, ఆ సమయాన్ని సద్వినియోగం చేసుకున్నామనే భావన కల్పించవచ్చు. ఎట్టిపరిస్థితుల్లోనూ అబద్ధం చెప్పడానికి ప్రయత్నించకూడదు. కంపెనీ వారు కనుక్కోవాలి అనుకుంటే వాస్తవం ఎలా అయినా తెలిసిపోతుందనే విషయాన్ని గ్రహించాలి. అందువల్ల నిజాయతీగా ఉండటమే మంచిది.

‣ అలాగే ఈ ప్రశ్న ఎదురుకాగానే తడబడటం, జవాబు కోసం తడుముకోవడం వంటివి చేయకూడదు. ముందే అడుగుతారనే విషయాన్ని గమనించి తగిన విధంగా జవాబుతో సన్నద్ధం కావాలి.

‣ ఈ ఖాళీకి కారణాలు చెప్పాల్సి వస్తే... కుటుంబ కారణాలు, అనారోగ్యం, గాయాలు, మీకు నచ్చిన చదువు - ఉద్యోగం ఏదో గుర్తించడానికి ప్రయత్నం చేయడం, ఏదైనా వ్యాపారం నడపడం వంటివన్నీ చెప్పొచ్చు. ఇంతకంటే వేరే కారణాలు చెప్పేటప్పుడు మాత్రం జాగ్రత్తగా ఆలోచించాలి.

‣ ఖాళీలపై అంతగా ఫోకస్‌ చేయని విధంగా ఉండే రెజ్యూమె ఫార్మాట్లను ఎంచుకోవడం ఉత్తమం. అప్పుడు ఇంటర్య్వూ చేసే వ్యక్తి దాన్ని గుర్తించేందుకు, గుర్తించినా ప్రశ్నించేందుకు అవకాశం తక్కువగా ఉంటుంది.

ఖాళీగా ఉండటంకంటే కూడా, దాన్ని మనం ఎలా వివరించామనే దాన్ని బట్టే అవతలివారి అభిప్రాయం ఆధారపడి ఉంటుంది. అందువల్ల ఖాళీకి కారణం ఏదైనా పాజిటివ్‌ కోణంలో చెప్పేందుకు, సరైన కారణాలు ఇచ్చేందుకు ప్రయత్నించాలి.

‣ ఈ ఖాళీలు ‘వీరు తరచూ జాబ్‌ వదిలి వెళ్లిపోతున్నారు’ అని అనుకోవడానికి ఆధారం కాకూడదు. అలాంటివారిని ఉద్యోగంలోకి తీసుకుంటే శిక్షణ ఇచ్చి సమయాన్ని వృథా చేసుకోవడం అని కంపెనీలు భావిస్తాయి. అందువల్ల మనం ఎక్కడైనా స్థిరంగా పనిచేయగలుగుతాం అనే భావన కల్పించాలి.

చక్కని డిగ్రీ, మెరుగైన మార్కులు, ఆకట్టుకునే ప్రతిభ ఉంటే... సమయం విరామం అనేది పెద్ద విషయంగా కనిపించదు. తాజాగా ఎటువంటి ఖాళీ ఉన్నా, దాన్ని నిజాయతీగా ఒప్పుకుని, సరైన విధంగా వివరిస్తే.. అనుకున్న అవకాశాన్ని అందిపుచ్చుకోవచ్చు.

కొలువు సాధనకు తొలి అడుగు!

* దరఖాస్తు మెలకువలు

కరిక్యులమ్‌ వీటే (సీవీ) అంటే లాటిన్‌లో ‘కోర్స్‌ ఆఫ్‌ లైఫ్‌’ (జీవిత గమనం) అని అర్థం. రెజ్యూమెకు ఫ్రెంచి సమానార్థకం ‘సమ్మరీ’ (సారాంశం). నిర్దిష్ట ఉద్యోగానికి/ నియామక సంస్థకు దరఖాస్తు చేయటానికి ఉద్దేశించినవే ఈ రెండూ! మేటి అర్హతలున్న అభ్యర్థులుగా మనల్ని చూపటానికీ, మౌఖిక పరీక్షకు ఆహ్వానం అందేలా చేయటానికీ సీవీ/ రెజ్యూమె ఉపయోగపడుతుంది. ఈ అస్త్రాన్ని ఎలా రూపొందించి, సంధించాలో తెలుసుకుందాం!

తొలిచూపులోనే మీ కీలక సమాచారాన్ని నియామక సంస్థలకు తెలిసేలా చేస్తుంది ఉద్యోగ దరఖాస్తు. మీ గురించి సత్వర అంచనాకు వచ్చేలా చేసి, ఇంటర్వ్యూకు మార్గం సుగమం చేస్తుంది.

‣ రెజ్యూమె ప్రధానంగా అభ్యర్థి నైపుణ్యాలను ప్రతిఫలిస్తుంది. నిడివి సాధారణంగా రెండు, మూడు పేజీలు మించదు. పరిశ్రమ, ప్రభుత్వ రంగాల కొలువుల్లో చేరటానికి ఇది సాధనం.

‣ సీవీ ముఖ్యంగా విద్యాపరమైన విజయాలకు అద్దం పడుతుంది. అకడమిక్‌ హోదాలూ, ఫెలోషిప్‌లూ, గ్రాంట్లకు దరఖాస్తు చేసేటప్పుడు ఎక్కువగా ఉపయోగిస్తుంటారు. అనుభవం, పబ్లికేషన్లు, ప్రెజెంటేషన్లను బట్టి దీని నిడివి ఎన్ని పేజీలన్నది ఆధారపడి ఉంటుంది.

మొక్కుబడి వ్యవహారం తగదు

కొంతమంది మొక్కుబడిగా సీవీని తయారుచేస్తారు. ఒకసారి రాసి కొన్ని జిరాక్స్‌ కాపీలు తీసుకుని.. ఏ ఉద్యోగానికి దరఖాస్తు చేసినా దాన్నే పంపేస్తుంటారు. సీవీ రాయడాన్ని ఓ బలవంతపు వ్యవహారంలా భావించడమే అందుకు కారణం కావొచ్చు. ఉద్యోగం చేయడానికి మీరెంతో ఆసక్తితో ఉన్నారనే విషయం ఎదుటివారికి తెలియాలంటే ఇలాంటివి చేయకూడదు. నిజానికి నియామక సంస్థలకు సంబంధించిన అధికారులు ఏడు సెకన్లపాటు మాత్రమే సీవీని చదువుతారని కొన్ని అధ్యయనాలు చెబుతున్నాయి. కాబట్టి అంత తక్కువ వ్యవధిలోనే చదివినవారికి మీపై సదభిప్రాయం కలిగేలా సీవీని రూపొందించాలి.

సుదీర్ఘంగా ఉండకూడదు

సీవీని ఎంత పెద్దగా తయారుచేస్తే అంత మంచిదని కొందరు పొరబడుతుంటారు. దాంతో పేజీలను అనవసర సమాచారంతో నింపేస్తుంటారు. ప్రతి చిన్న అనుభవాన్నీ, ఆలోచననూ దాంట్లోనే జోడించాలని ఆరాటపడుతుంటారు. ఇది ఎంతమాత్రం సరికాదు. సీవీ ఎప్పుడూ రెండు, మూడు పేజీలకు మించకుండా జాగ్రత్తపడాలి. అతి ముఖ్యమైన విషయాలను ఆకట్టుకునేలా రాస్తే సరిపోతుంది. కుడిపక్క మార్జిన్‌ లాంటి స్థలంలో ఈమెయిల్‌ ఐడీ, కాంటాక్ట్‌ నంబర్, అడ్రస్, విద్యార్హతలు, నైపుణ్యాలు, మధ్యన ఉండే ఖాళీ స్థలంలో ఉద్యోగానుభవాలను రాస్తే.. చూడ్డానికీ, చదవడానికీ సౌకర్యంగా ఉంటుంది. లేదా ఎడమపక్క మార్జిన్‌ స్థలంలో వ్యక్తిగత వివరాలను రాసి పేపర్‌ మధ్యలో ఉద్యోగానుభవాలను రాసినా ఫర్వాలేదు. రెండు పద్ధతుల్లో దేన్ని ఎంచుకున్నా చూడ్డానికి ఆకర్షణీయంగా ఉండేలా తీర్చిదిద్దడమే మీ ధ్యేయం కావాలి.

గజిబిజిగా వద్దు

కొంతమంది సీవీ మిగతావారి కంటే భిన్నంగా, వినూత్నంగా ఉండాలని ఆరాటపడుతుంటారు. అందుకోసం రకరకాల డిజైన్లు, ఫాంట్లను ప్రయత్నిస్తారు. నిజానికి డిజైన్లూ, రంగులూ ఎక్కువైనా, ఫాంట్లు గజిబిజిగా ఉన్నా చదివేవారికి ఇబ్బందే. అందుకే చదవడానికి వీలుగా, కళ్లకు హాయిగా ఉండే ఏరియల్, కాలిబ్రి లాంటి ఫాంట్లను మాత్రమే ఎంపిక చేసుకోవాలి. మీకూ, ఉద్యోగం ఇవ్వబోయే సంస్థకూ మధ్య వారధిలా ఉండే వ్యక్తి.. చదవడానికి ఏమాత్రం ఇబ్బందిపడకుండా సీవీని రూపొందించాల్సిన బాధ్యత మీదే. వినూత్నంగా తయారుచేయడం కంటే విషయాలను ఆకట్టుకునేలా చెప్పడమే ముఖ్యం.

ఏది ముందు

ఉద్యోగానుభవాలు అన్నింటినీ ఒకే పేరాలో చెప్పేయాలని తాపత్రయపడకూడదు. ఇలాచేయడం వల్ల చదివేవారికి కాస్త గందరగోళంగా ఉండొచ్చు. ఉదాహరణకు చదువు పూర్తయిన వెంటనే మీరొక సంస్థలో ఉద్యోగంలో చేరారు. శిక్షణకాలం పూర్తికాగానే మరో పెద్ద సంస్థలోకి మారారు. అక్కడ కొంతకాలం పనిచేసిన తర్వాత ఆకర్షణీయమైన వేతనం కోసం మరో సంస్థలోకి వెళ్లారు. ఆ తర్వాత.. విదేశాలకు వెళ్లే అవకాశం ఉంటుందని మరో సంస్థలోకి మారారు. మూడుచోట్లా వేర్వేరు ఉద్యోగాలు చేశారు. వాటన్నింటినీ ఒకే పేరాలో చెప్పాలని ప్రయత్నిస్తే అంతా గందరగోళంగా తయారవుతుంది. అలాకాకుండా ప్రస్తుతం మీరు ఏ ఉద్యోగం చేస్తున్నారు, ఎలాంటి బాధ్యతలను నిర్వర్తిస్తున్నారో ముందుగా చెప్పాలి. ఆ తర్వాత సంవత్సరాలవారీగా.. ఎప్పుడు, ఎక్కడ పనిచేసిందీ, ఏయే బాధ్యతలను నిర్వర్తించిందీ పాయింట్ల రూపంలో రాస్తే బాగుంటుంది.

ఈమధ్యే చదువు పూర్తిచేసిన వాళ్లకు ఉద్యోగానుభవం ఉండదు. కాబట్టి ప్రస్తుతం ఉన్నత విద్యను అభ్యసించడం లేదా నైపుణ్యాలను మెరుగుపరుచుకోవడం కోసం శిక్షణ తీసుకోవడం.. లాంటివి చేస్తుంటే ఆ విషయాలనూ ప్రస్తావించాలి. దీని ద్వారా సమయాన్ని సద్వినియోగం చేసుకుంటూ.. నైపుణ్యాలను పెంచుకుంటున్న మీ గురించి సదభిప్రాయం కలిగే అవకాశం ఉంటుంది.

అభిరుచులకూ చోటు

విద్యార్హతలు, పనిచేసిన అనుభవాల గురించి వివరించడం వరకూ బాగానే ఉంటుంది. మరి అభిరుచుల గురించి చెప్పాలా.. వద్దా? నిపుణుల అభిప్రాయం ప్రకారం వీటి గురించి చెప్పడం అవసరమే. అయితే నైపుణ్యాలను పెంచుకోవడానికి తోడ్పడే అభిరుచులు మీకుంటే ఇంకా మంచిది. ఉదాహరణకు ఎప్పటికప్పుడు కొత్త విషయాలను తెలుసుకోవడం మీ హాబీ అనుకుందాం. మీకున్న ఈ వ్యక్తిగత అభిరుచి వృత్తి జీవితంలో ఎదుగుదలకూ తోడ్పడుతుంది. ఎందుకంటే నిరంతరం నేర్చుకోవాలనే ఆసక్తి ఉండే ఉద్యోగులు.. సంస్థకు విలువైన మానవ వనరు కాగలుగుతారు. రోజురోజుకూ మారిపోతున్న సాంకేతికతను అందిపుచ్చుకోవాలంటే.. కొత్త విషయాలను నేర్చుకోవాలనే ఆసక్తి ఉండే ఉద్యోగులు ఎంతో అవసరం. ఉద్యోగ విధులను నిర్వర్తించే తీరులో ఎన్నో మార్పులు చోటుచేసుకుంటున్నాయి. సాంకేతిక పరిజ్ఞానాన్ని అందిపుచ్చుకుని మరింత వేగంగా, సమర్థంగా బాధ్యతలను నిర్వర్తించాల్సి వస్తుంది. కొత్త విషయాలను నేర్చుకోవాలనే అభిరుచి మీకుంటే.. మారుతున్న సాంకేతికతనూ త్వరగా అందిపుచ్చుకుంటారు. కేటాయించిన పనులను వేగంగా పూర్తిచేస్తారు. అయితే ఇక్కడో విషయాన్ని గుర్తుంచుకోవాలి- విలువైన కాలాన్నీ, డబ్బునూ వృథాచేసే అభిరుచులు మీకుంటే.. వాటి గురించి ప్రస్తావించకపోవడమే మంచిది.

కవర్‌ లెటర్‌

సీవీ ఆకట్టుకునేలా ఉండాలంటే కవర్‌ లెటర్‌నూ జతచేయాలి. దీంట్లో ముందుగా దరఖాస్తు చేస్తున్న ఉద్యోగం పేరు, ఉద్యోగ ప్రకటన వెలువడిన తేదీని ప్రత్యేకంగా రాయాలి. ఆ తర్వాత సీవీలో ప్రస్తావించని విషయాల గురించి దీంట్లో రాయొచ్చు. రాసే క్రమంలో అక్షర, అన్వయ దోషాలు లేకుండా తగిన జాగ్రత్తలు తీసుకోవాలి. కఠినమైన పదాలను ఉపయోగించకుండా చెప్పాలనుకుంటున్న విషయాన్ని సులువుగా, ఆసక్తిగా వ్యక్తీకరించగలగాలి.

ఎవరిని ఉద్దేశించి లెటర్‌ను రాస్తున్నారో ఆ వ్యక్తి పేరు, హోదా ఒకసారి చెక్‌ చేసుకోవాలి. కంపెనీ పేరు, దరఖాస్తు చేసే ఉద్యోగ హోదా విషయంలో తప్పులు దొర్లకుండా చూసుకోవాలి. ఇలాంటి ముఖ్యమైన విషయాల్లో కనీస జాగ్రత్తలు తప్పనిసరి. కంపెనీ పేరు విషయంలో ఏమైనా సందేహాలుంటే వెబ్‌సైట్‌ చూసుకుని రాయడం మంచిది. భాష మీద మీకెంత పట్టున్నా సరే లెటర్‌ను పంపేముందు ఒకసారి సరిచూసుకోవాలి. పదాలు పునరావృతం కాకుండా జాగ్రత్తపడాలి. కవర్‌ లెటర్‌ కాపీని మీ దగ్గర పదిలపరుచుకోవాలి. ఎందుకంటే దీంట్లో ప్రస్తావించిన అంశాల గురించి ఇంటర్వ్యూ సమయంలో అడిగే అవకాశం ఉంటుంది. కొంతమంది పోస్టు పేరు దగ్గర ఖాళీ వదిలి.. లెటర్‌ను జిరాక్స్‌ కాపీలు తీసుకుని సిద్ధంగా ఉంచుకుంటారు. తర్వాత ఆ ఖాళీని పూరిస్తుంటారు. ఇది సరికాదు. అన్ని ఉద్యోగాలకూ ఒకే విధమైన విధులు ఉండవు. ఉద్యోగాలను బట్టి చేయాల్సిన పనులూ మారుతుంటాయి. కాబట్టి ఎప్పటికప్పుడు లెటర్‌ను సిద్ధం చేసుకోవడమే సమంజసం.

For applications visit Gemini Internet with your own ATM. Gemini Internet, D L Road, Hindupur 9640006015 | మీ స్వంత ATMతో అప్లికేషన్ల కోసం జెమిని ఇంటర్నెట్‌ని సందర్శించండి. జెమిని ఇంటర్ నెట్, D L రోడ్, హిందూపూర్ 9640006015. మరెన్నో అప్డేట్స్ కోసం మా టెలిగ్రామ్ ఛానెల్ లో జాయిన్ అవ్వగలరు https://t.me/GEMINIINTERNETHINDUPUR రిటైర్ అయిన పభుత్వ ఉద్యోగులకు /ఉద్యోగులకు బయోమెట్రిక్ ద్వారా లైఫ్ సర్టిఫికేట్ (జీవన్ ప్రమాణ్ | Jeevan Pramaan) కొరకు సంప్రదించండి, జెమిని ఇంటర్ నెట్, ధనలక్ష్మి రోడ్, హిందూపురం 9640006015 వెల రూ.50/-. వేలి ముద్ర పడని వారి లైఫ్ సర్టిఫికేట్ ను రూ.100/-తో ఐరిస్ స్కానింగ్ తో జీవన్ ప్రమాణ్ లైఫ్ సర్టిఫికేట్ ను సమర్పించబడును. Instant పాన్ కార్డు కేవలం రూ.50/-మాత్రమే ఆధార్ కార్డుకు సెల్ ఫోన్ లింక్ అయి ఉన్న వారికి మాత్రమే సంప్రదించండి జెమిని ఇంటర్ నెట్, ధనలక్ష్మి రోడ్ (9640006015) నందు సంప్రదించవచ్చును. పాస్ పోస్ట్ అప్లై చేయాలకునే వారు ఆధార్ ఫోటో స్టాట్ (జిరాక్స్), పదవ తరగతి (చదివుంటే) ఫోటో స్టాట్ (జిరాక్స్), ఎ టి ఎం కార్డు దాని లింక్ అయిన ఫోన్ తో పాటు తీసుకుని సంప్రదించండి జెమిని ఇంటర్ నెట్, ధనలక్ష్మి రోడ్ హిందూపురం (9640006015) నందు సంప్రదించవచ్చును. వెల రూ.100/-. తెలుగు టైపింగ్ రూ.60/-ఒక పేజి/ఒక ప్రక్క | ఇంగ్లీషు టైపింగ్ రూ.40/-ఒక పేజి / ఒక ప్రక్క | టైపింగ్ సేవల కొరకు సంప్రదించండి జెమిని ఇంటర్ నెట్, ధనలక్ష్మి రోడ్ హిందూపురం (9640006015) నందు సంప్రదించవచ్చును. జాబ్స్ అప్లికేషన్ (ఉద్యోగాలు)/ఎంట్రాన్స్ అప్లికేషన్ (ప్రవేశాలు)/స్కాలర్ షిప్ అప్లికేషన్ (ఉపకారవేతనాలు) అప్లికేషన్ లను అప్లై చేయడానికి రూ.100/- డిజిటల్ సిగ్నేచర్ (Rs.1500/-) with epass Token కొరకు సంప్రదించండి జెమిని ఇంటర్ నెట్, ధనలక్ష్మి రోడ్, హిందూపురం EPF అప్లై చేయాలనుకునే వారు సంప్రదించండి జెమిని ఇంటర్ నెట్, ధనలక్ష్మి రోడ్, హిందూపురం 9640006015 | ప్రతి కన్సల్ టింగ్ కు రూ.50/- https://geminiinternethindupur.blogspot.com/p/pf.html

ANGRAU: కేవీకే, గరికపాడులో అగ్రోమెట్ అబ్జర్వర్ ఎన్టీఆర్ జిల్లా గరికపాడులోని డా.కె.ఎల్.రావు కృషి విజ్ఞాన కేంద్రం… కాంట్రాక్ట్ ప్రాతిపదికన కింది పోస్టుల భర్తీకి దరఖాస్తులు కోరుతోంది. అర్హత: 10+2(సైన్స్ స్ట్రీమ్‌లో)తో పాటు కంప్యూటర్ ఆపరేషన్స్‌పై ప్రాథమిక పరిజ్ఞానం ఉండాలి.

ANGRAU: కేవీకే, గరికపాడులో అగ్రోమెట్ అబ్జర్వర్

ఎన్టీఆర్ జిల్లా గరికపాడులోని డా.కె.ఎల్.రావు కృషి విజ్ఞాన కేంద్రం… కాంట్రాక్ట్ ప్రాతిపదికన కింది పోస్టుల భర్తీకి దరఖాస్తులు కోరుతోంది.

వివరాలు:

అగ్రోమెట్ అబ్జర్వర్: 01 పోస్టు

అర్హత: 10+2(సైన్స్ స్ట్రీమ్‌లో)తో పాటు కంప్యూటర్ ఆపరేషన్స్‌పై ప్రాథమిక పరిజ్ఞానం ఉండాలి.

గరిష్ట వయోపరిమితి: 35 సంవత్సరాలు.

పే స్కేల్: నెలకు రూ.5200, రూ.2000 డీఏ, హెచ్‌ఆర్‌ఏ.

ఇంటర్వ్యూ తేదీ: 20-10-2023.

స్థలం: కేవీకే, గరికపాడు, ఎన్టీఆర్ జిల్లా.

Notification Information

Posted Date: 17-09-2023

CPGET Seat Allotment: 29న సీపీగెట్‌ సీట్ల కేటాయింపు * కళాశాలలో రిపోర్టుకు గడువు అక్టోబర్ 4

CPGET Seat Allotment: 29న సీపీగెట్‌ సీట్ల కేటాయింపు

* కళాశాలలో రిపోర్టుకు గడువు అక్టోబర్ 4

ఈనాడు ప్రతిభ డెస్క్‌: తెలంగాణ రాష్ట్రంలోని వివిధ విశ్వవిద్యాలయాల్లో పోస్టు గ్రాడ్యుయేషన్‌(పీజీ), పీజీ డిప్లొమా, ఇంటిగ్రేటెడ్ పీజీ కోర్సుల్లో ప్రవేశానికి నిర్వహించిన కామన్‌ పోస్టు గ్రాడ్యుయేషన్‌ ఎంట్రన్స్‌ టెస్ట్‌(సీపీగెట్‌)-2023 కౌన్సెలింగ్‌కు సంబంధించి సెప్టెంబర్ 29న మొదటి విడత కౌన్సెలింగ్ సీట్ల కేటాయింపు జరగనుంది. తెలంగాణ రాష్ట్ర వ్యాప్తంగా మొత్తం 45 వేల సీట్లు అందుబాటులో ఉన్నాయి. సీటు పొందిన అభ్యర్థులు అక్టోబర్ 4వ తేదీ లోగా కళాశాలలో రిపోర్ట్ చేయాల్సి ఉంటుంది. రెండో విడత రిజిస్ట్రేషన్‌ అక్టోబర్‌ 6న ప్రారంభం కానుంది.

28, సెప్టెంబర్ 2023, గురువారం

Group-2 study: భారతదేశ చరిత్ర నుంచి వచ్చే ప్రశ్నలు ఎలా ఉంటాయో నిపుణుల అంచనా....

భారతదేశ చరిత్ర నుంచి ఏయే ప్రశ్నలు అడగొచ్చంటే..?

రాష్ట్రస్థాయిలో ఎక్కువ మంది అభ్యర్థులు ప్రిపేర్‌ అవుతున్న ఉన్నతస్థాయి ఉద్యోగాల పరీక్ష గ్రూప్‌-2. ఆగస్టు చివరివారంలో నిర్వహించాల్సిన గ్రూప్‌-2 పరీక్షలు

రాష్ట్రస్థాయిలో ఎక్కువ మంది అభ్యర్థులు ప్రిపేర్‌ అవుతున్న ఉన్నతస్థాయి ఉద్యోగాల పరీక్ష గ్రూప్‌-2. ఆగస్టు చివరివారంలో నిర్వహించాల్సిన గ్రూప్‌-2 పరీక్షలు నవంబరు మొదటివారంలోని 2, 3 తేదీలకు వాయుదాపడ్డాయి. ఈ నేపథ్యంలో అదనంగా లభించిన సమయాన్ని భారతదేశ చరిత్ర ప్రిపరేషన్‌కు సద్వినియోగం చేసుకోగలిగితే విజయం సులువైనట్లే.

మొదటగా చరిత్రలోని సిలబ్‌సను మూడు భాగాలు చేసుకోవాలి. అందుకు అనుగుణంగా పాఠ్యాంశాలను విభజించుకోవాలి. రోజుకు ఒకటి లేదా రెండు పాఠ్యాంశాలను మొదట పూర్తిచేయాలి. ఏయే అంశాల నుంచి బిట్స్‌ ఎక్కువగా వస్తున్నాయో పాత ప్రశ్న పత్రాల ఆధారంగా గమనించాలి. ఆ అంశాలను కాన్సెప్ట్‌ విధానంలో అధ్యయనం చేయాలి. సులభమైన ప్రశ్నల కోసం ఎక్కువ సమయాన్ని వృథా చేసుకోవద్దు. ఉదాహరణకు హరప్పా, మొహంజదారో పట్టణాలు ఎక్కడ బయల్పడ్డాయి? బుద్ధుడు ఏ భాషలో బోధనలు చేశాడు లాంటివి కాకుండా సింధు నాగరికత ప్రపంచానికి ఎలాంటి సందేశం ఇచ్చింది? బుద్ధుని బోధనలను తరవాత కాలాల్లో ఏయే రాజ్యాలు, రాజులు ఆచరించి పాటించారు, ప్రచారం చేశారు? వంటి లోతైన ప్రశ్నలపై దృష్టి సారించాలి. అప్పుడే మీకు నూతన సమాధానాలు తెలుస్తాయి. మౌర్యులు భారతదేశానికి ఎలాంటి పాలనను అందించారు? అశోకుని ధమ్మ విధానాలు నేటి మన సమాజంలో కన్పిస్తున్నాయా? మనం వాటిని పాటిస్తున్నామా? లాంటి కాన్సెప్ట్‌ పద్ధతిలో ప్రిపరేషన్‌ లేదా రివిజన్‌ కొనసాగాలి.

చరిత్రను ప్రధానంగా మూడు భాగాలుగా విభజించారు.

1. ప్రాచీన భారతదేశ చరిత్ర

2. మధ్యయుగ భారతదేశ చరిత్ర

3. ఆధునిగ యుగం

ప్రతి భాగంలోనూ చదవాల్సిన ముఖ్య పాఠ్యాంశాలను అందులోని విషయాలను ఒకసారి చూద్దాం.

సింధునాగరికత: వారి ముఖ్య పట్టణాలు, నగర నిర్మాణాలు, సామాజిక విధానాలు, మత విధానాలపై ప్రశ్నలు వచ్చే అవకాశం ఉంది.

ఆర్యుల నాగరికత: వీరి జన్మప్రాంతం? దీనిపై వ చ్చిన వివిధ సిద్ధాంతాలు-గ్రంథాలు, వ్యక్తులపై అవగాహన కలిగి ఉండాలి. వీరు అందించిన వేద సాహిత్యం, వీరి కాలంలో సమాజ ధోరణులు, ఆర్థిక విధానాలు, స్త్రీల పాత్రపై ప్రశ్నలు వచ్చే అవకాశం ఉంది.

జైన, బౌద్ధ మతాలు ఆవిర్భావానికి దారి తీసిన క్రీ.పూ.6వ శతాబ్దం కాలం నాటి సామాజిక, ఆర్థిక పరిస్థితులు, ప్రపంచంలోని నూతన మతస్థాపకుల ప్రభావం? జైన బౌద్ధ మతాల శిల్పకళ, సామాజిక రంగంలో వారి పాత్ర తదితర అంశాలపై ప్రశ్నలు అడగవచ్చు. బుద్ధుని జన్మస్థలం ఏది? బౌద్ధమతం పుట్టిన ప్రాంతం ఏది? లాంటి చిన్న చిన్న ప్రశ్నలపై కాకుండా బౌద్ధమతం భారతదేశానికి అందించిన సేవ మొదలైన కాన్సెప్ట్‌ ఓరియెంటెడ్‌ పద్ధతిలో చదివితే ఎలాంటి ప్రశ్నలు వచ్చినా సమాధానం సులువుగా గుర్తించవచ్చు.
ఇక మౌర్య సామ్రాజ్యం, వారి పాలన కేంద్రాలు, సామాజిక ఆర్థిక రంగాలు, ముఖ్యంగా అశోకుని కాలంలో వచ్చిన ‘లిఖిత పూర్వక శాసనాలు’ చాలా ప్రాధాన్యం గలవని భావించాలి. గుప్తులలో వారి పాలన స్వర్ణయుగం, శాస్త్ర-సాంకేతిక రంగాల్లో ఖగోళశాస్త్రం, వైద్య శాస్త్రంలో వారి సేవ- వచ్చిన గ్రంథాలు, వారి పన్నుల విధానంపై ప్రశ్నలు రావొచ్చు.
ప్రాచీన భారతదేశంలో హర్షుడు అతడు అందించిన సాహిత్య, మతసేవ, అతని ఆస్థానంలోకి వచ్చిన చైనా యాత్రికులు, వారి రచనలు, బాణుడు, మయూరుడు లాంటి గొప్ప వ్యక్తులు రాసిన గ్రంథాలు ముఖ్యమైనవి. ప్రత్యేకంగా హర్షుడు రాసిన నాగానందం, రత్నావళి, ప్రియదర్శిని మొదలైన గ్రంథాల్లోని ముఖ్యాంశాలు గుర్తుంచుకోవాలి.
మధ్యయుగంలోని ముఖ్యాంశాలు గమనిస్తే చోళుల పరిపాలన వ్యవస్థలోని ముఖ్యాంశాలను ఒకసారి పునశ్చరణ చేసుకోవాలి. చోళులు అందించిన సేవ? ఉత్తరమేరూర్‌ శాసనంలోని స్థానిక స్వపరిపాలనాంశం తదితరాలు ప్రధానమైనవి.
ఢిల్లీ సుల్తానుల వంశక్రమం, వారి సామాజిక, వాస్తు, సాహిత్య రంగాల నుంచి ప్రశ్నలు రావొచ్చు. వారి పాలన రంగంలోని అంశాలు..నీటి పారుదల, వ్యవసాయం, బానిసల విభాగం వంటి వాటిపై మరొకసారి దృష్టిసారించాలి. అదేవిధంగా మొఘల్‌ రాజుల వరుసక్రమం, వారి కాలంలో ఎదుర్కొన్న విదేశీ దాడులు, వారి పాలన రంగం, సాహిత్య- సాంస్కృతిక రంగాల నుంచి 2 లేదా 3 ప్రశ్నలు వచ్చే ఆస్కారం ఉంది.
భక్తి ఉద్యమంలో రామానుజాచార్యుల నుంచి రామానందుని వరకు గల సిద్ధాంతాలు, రచనలు మొదలైనవి అత్యంత ప్రధానమైనవి. సూఫీ మతంలోని వివిధ శాఖలు, వారి స్థాపకులు వంటి వాటిపై కూడా ప్రశ్నలు వస్తాయి. యురోపియన్‌ పోర్చుగ్రీసు నుంచి ఫ్రెంచ్‌ వారి వరకు వారి స్థాపనలు వ్యాపార కేంద్రాలు, వారి పాలన మొదలైన వాటి నుంచి ప్రశ్నలు అడగొచ్చు.

ఆధునిక భారతదేశ చరిత్ర: మొదటగా 1857 సిపాయిల తిరుగుబాటు కేంద్రాలు, వారి నాయకులు, ఈ సమయంలో వచ్చిన ముఖ్యమైన స్టేట్స్‌మెంట్స్‌పై ఫోకస్‌ చేయాలి. బ్రిటిషర్లు బలపడటం, కర్ణాటక యుద్ధాల్లో ఫ్రెంచి వారిని ఓడించడం, ప్లాసీ, బక్సర్‌, మైసూర్‌, మరాఠా, సిక్కు యుద్ధాల విజయాలు కీలకం. గవర్నర్స్‌ లేదా గవర్నర్‌ జనరల్స్‌ను వరుస క్రమంలో అమర్చుము లాంటి ప్రశ్నలు కూడా రావొచ్చు. 19వ శతాబ్దంలో సామాజిక, సాంస్కృతిక రంగాల్లో వచ్చిన మార్పులు, బ్రహ్మసమాజం, ఆర్యసమాజం, ప్రార్థన సమాజం మొదలైన వాటి ప్రభావం భారతదేశ సమాజంపై ఎంతవరకు ఉంది లాంటి ప్రశ్నలు అడగవచ్చు.

భారత జాతీయ ఉద్యమం, దీనిలో మితవాద(1885-1905), అతివాద(1905-1920), గాంధీ యుగం లాంటి దశలపై ప్రశ్నలు వస్తాయి. దేశంలోని వివిధ ప్రాంతాల నుంచి ఉదాహరణకు...పంజాబ్‌, బెంగాల్‌, మరాఠా, తమిళనాడు లాంటి రాష్ట్రాల్లోంచి వచ్చిన నాయకులు, వారి రచనలపై ప్రశ్నలు అడిగే ఆస్కా రం ఉంది. ఆనాడు ఆంధ్రప్రదేశ్‌ తమిళనాడులో అంతర్భాగంగా ఉంది కాబట్టి అప్పటి తెలుగు వారి సంఘాలు-సంస్థలు, వారి గ్రంథాలుపై కూడా ప్రశ్నలు అడిగే అవకాశం ఉంది.
చివరిగా స్వాత్రంత్య్రం అనంతరం ఏకీకరణ(సంస్థానాల విలీనంలో వల్లభాయి పటేల్‌ పాత్ర, కశ్మీర్‌, హైదరాబాద్‌ సంస్థానాల ప్రభావం)పై ప్రశ్నలు రావొచ్చు. దేశంలో పునర్వవస్థీకరణపై కూడా ప్రశ్నలు అడగవచ్చు. ప్రిలిమినరీ పరీక్షలో 30 మార్కులు చరిత్ర నుంచి వస్తాయి కాబట్టి ప్రతి పాఠ్యాంశాన్ని క్షుణ్ణంగా అధ్యయనం చేయాలి.

రెఫరెన్స్‌ బుక్స్‌:

తెలుగు అకాడమీ పుస్తకాలు
ఎన్‌సీఈఆర్‌టీ(ఇంగ్లీష్‌ మీడియం వారైతే)
ఓపెన్‌ యూనివర్సిటీ పుస్తకాలు(అంబేడ్కర్‌, ఇందిరాగాంధీ విశ్వ విద్యాలయం)

ఈ ఉద్యోగాలకు ఎటువంటి ఫీజు చెల్లించనవసరం లేదు డబ్బులు కట్టమని అడిగితే కట్టకండి | There is no fee to be paid for these jobs మరింత సమాచారం తెలుసుకోవడానికి ఈ లింక్ ను క్లిక్ చేసి తెలుసుకోండి

Internships Work From Home తాజా ఇంటర్న్ షిప్ లు

తాజా ఇంటర్న్ షిప్ లు

సంస్థ: ఇన్‌స్టిన్‌ స్టైపెండ్‌: నెలకు రూ.15,000 దరఖాస్తు గడువు: అక్టోబరు 5 అర్హతలు: ఎఫెక్టివ్‌ కమ్యూనికేషన్‌ నైపుణ్యం

హైదరాబాద్‌లో

రోబోటిక్స్‌ అండ్‌ కోడింగ్‌
సంస్థ: ఇన్‌స్టిన్‌
స్టైపెండ్‌: నెలకు రూ.15,000
దరఖాస్తు గడువు: అక్టోబరు 5
అర్హతలు: ఎఫెక్టివ్‌ కమ్యూనికేషన్‌ నైపుణ్యం
* internshala.com/i/8058bb

డిజిటల్‌ మార్కెటింగ్‌

సంస్థ: ఎవన్‌ఫ్లిక్స్‌
స్టైపెండ్‌: నెలకు రూ.5,000-15,000
దరఖాస్తు గడువు: సెప్టెంబరు 29
అర్హతలు: క్రియేటివ్‌ రైటింగ్‌, డిజిటల్‌, ఈమెయిల్‌, ఫేస్‌బుక్‌, ఇన్‌స్టాగ్రామ్‌ మార్కెటింగ్‌, ఇంగ్లిష్‌ మాట్లాడటం,
రాయడంలో నైపుణ్యం
* internshala.com/i/14ffb8

ఇన్‌స్టాగ్రామ్‌ రీల్స్‌ క్రియేషన్‌

సంస్థ: మట్కా ఫుడ్స్‌ ఎంటర్‌ప్రైజ్‌
స్టైపెండ్‌: నెలకు రూ.15,000
దరఖాస్తు గడువు: అక్టోబరు 1
అర్హతలు: కేన్వా, ఇన్‌స్టాగ్రామ్‌ మార్కెటింగ్‌, వీడియో ఎడిటింగ్‌ నైపుణ్యాలు
* internshala.com/i/5a3c14

ట్యాలీ అండ్‌ అకౌంటింగ్‌

సంస్థ: లీవరేజ్‌ సైన్స్‌ అండ్‌ టెక్నాలజీస్‌
స్టైపెండ్‌: నెలకు రూ.15,000
దరఖాస్తు గడువు: అక్టోబరు 1
అర్హతలు: అకౌంటింగ్‌, ఎఫెక్టివ్‌ కమ్యూనికేషన్‌, రిపోర్ట్‌ రైటింగ్‌, ట్యాలీ నైపుణ్యాలు
* internshala.com/i/b488d8

ఈ-కామర్స్‌ ఆపరేషన్స్‌

సంస్థ: జాగ్‌జి ఎంటర్‌ప్రైజెస్‌ (న్యూట్రాజీ)
స్టైపెండ్‌: నెలకు రూ.10,000
దరఖాస్తు గడువు: అక్టోబరు 1
అర్హతలు: అడ్వాన్స్‌డ్‌ ఎక్సెల్‌, ఎంఎస్‌-ఎక్సెల్‌, ఆపరేషన్స్‌ నైపుణ్యాలు
* internshala.com/i/af966f

విశాఖపట్నంలో

సోషల్‌ మీడియా మార్కెటింగ్‌

సంస్థ: క్లౌడ్‌ఐ టెక్నాలజీస్‌ ఇండియా
స్టైపెండ్‌: నెలకు రూ.8,000-10,000
దరఖాస్తు గడువు: అక్టోబరు 13
అర్హతలు: అడోబ్‌ ఫొటోషాప్‌, క్రియేటివ్‌ రైటింగ్‌, డిజిటల్‌, ఫేస్‌బుక్‌ మార్కెటింగ్‌, గూగుల్‌ యాడ్‌వర్డ్స్‌ నైపుణ్యాలు
* internshala.com/i/fd73e7

ఇంటీరియర్‌ డిజైన్‌

సంస్థ: ఎస్‌జే ఇంటీరియర్స్‌ డీ ఎన్‌ డీ
స్టైపెండ్‌: నెలకు రూ.3,500
దరఖాస్తు గడువు: సెప్టెంబరు 30
అర్హతలు: ఆటోక్యాడ్‌, స్కెచింగ్‌ నైపుణ్యాలు
* internshala.com/i/2813cd

వైజాగ్‌, హైదరాబాద్‌, విజయవాడల్లో

గ్రాఫిక్‌ డిజైన్‌ అండ్‌ రీల్‌ మేకింగ్‌
సంస్థ: మార్క్‌అప్‌
స్టైపెండ్‌: నెలకు రూ.10,000
దరఖాస్తు గడువు: అక్టోబరు 4
అర్హతలు: అడోబ్‌ క్రియేటివ్‌ సూట్‌, ఫొటోషాప్‌, ప్రీమియర్‌ ప్రొ, కేన్వా, యూఐ అండ్‌ యూఎక్స్‌ డిజైన్‌, వీడియో ఎడిటింగ్‌ అండ్‌ మేకింగ్‌ నైపుణ్యాలు
* internshala.com/i/fc3fab

విజయవాడలో

చార్టెర్డ్‌ అకౌంటెన్సీ

సంస్థ: అరిహంత్‌ ఎంటర్‌ప్రైజెస్‌
స్టైపెండ్‌: నెలకు రూ.10,000-20,000
దరఖాస్తు గడువు: అక్టోబరు 5
అర్హతలు: అకౌంటింగ్‌, ట్యాలీ
* internshala.com/i/4bc35b

హ్యూమన్‌ రిసోర్సెస్‌ (హెచ్‌ఆర్‌)

సంస్థ: పింక్‌మూన్‌ టెక్నాలజీస్‌

స్టైపెండ్‌: నెలకు రూ.10,000
దరఖాస్తు గడువు: సెప్టెంబరు 30
అర్హతలు: ఇంగ్లిష్‌ మాట్లాడటం, రాయడం, ఎంఎస్‌-ఎక్సెల్‌, ఎంఎస్‌-ఆఫీస్‌, ఎంఎస్‌-వర్డ్‌
* internshala.com/i/6f8c16

నొటిఫికేషన్స్ | ఉద్యోగాలు | ఐఐటీల్లో కొత్త ఆన్‌లైన్‌ పీజీలు | వాక్‌-ఇన్‌ ఇంటర్వ్యూ | మాతృశ్రీ ఎడ్యుకేషన్‌ సొసైటీలో టీచింగ్‌ పోస్టులు | సిపెట్‌, భోపాల్‌లో లెక్చరర్‌లు | తెలంగాణ గిరిజన గురుకులంలో ఫ్యాకల్టీ

తెలంగాణ ట్రైబల్‌ వెల్ఫేర్‌ రెసిడెన్షియల్‌ ఎడ్యుకేషనల్‌ ఇన్‌స్టిట్యూషన్స్‌ సొసైటీ తాత్కాలిక ప్రాతిపదికన సిరిసిల్లలోని టీటీడబ్ల్యూఆర్‌ ఫైన్‌ ఆర్ట్స్‌ అకాడమీలో ఫ్యాకల్టీ (లెక్చరర్‌) పోస్టుల భర్తీకి దరఖాస్తులు కోరుతోంది.

ఉద్యోగాలు

తెలంగాణ గిరిజన గురుకులంలో ఫ్యాకల్టీ

ఫ్యాషన్‌ డిజైన్‌
ఇంటీరియర్‌ డిజైన్‌
ఫొటోగ్రఫీ
కంప్యూటర్‌ సైన్స్‌

అర్హత: సంబంధిత సబ్జెక్టులో పీజీ.
ఆన్‌లైన్‌ దరఖాస్తుకు చివరి తేదీ: 10-10-2023.
వెబ్‌సైట్‌:https://www.ttwrdcs.ac.in

సిపెట్‌, భోపాల్‌లో లెక్చరర్‌లు

భోపాల్‌లోని సెంట్రల్‌ ఇన్‌స్టిట్యూట్‌ ఆఫ్‌ పెట్రోకెమికల్స్‌ ఇంజినీరింగ్‌ అండ్‌ టెక్నాలజీ (సిపెట్‌) ఒప్పందప్రాతిపదికన 5 లెక్చరర్‌ ఖాళీల భర్తీకి దరఖాస్తులు కోరుతోంది.

మెకానికల్‌ ఇంజినీరింగ్‌- 01 కెమిస్ట్రీ- 1మ్యాథ్స్‌- 1
ప్లాస్టిక్స్‌/ పాలిమర్‌- 01
ఇంగ్లిష్‌- 1

అర్హత: సంబంధిత విభాగంలో డిగ్రీ, పీజీతో పాటు పని అనుభవం.
దరఖాస్తు: దరఖాస్తులను ‘ది ప్రిన్సిపల్‌, డైరెక్టర్‌ అండ్‌ హెడ్‌, సిపెట్‌-భోపాల్‌, జి-సెక్టార్‌, భోపాల్‌’ చిరునామాకు రిజిస్టర్డ్‌/ స్పీడ్‌ పోస్టు ద్వారా పంపాలి.
ఆఫ్‌లైన్‌ దరఖాస్తుకు చివరి తేదీ: 07-10-2023.
వెబ్‌సైట్‌: https://www.cipet.gov.in

సిపెట్‌, భువనేశ్వర్‌లో..

భువనేశ్వర్‌లోని సిపెట్‌ ఒప్పంద ప్రాతిపదికన కింది ఖాళీల భర్తీకి దరఖాస్తులు కోరుతోంది.

లెక్చరర్‌ (ప్లాస్టిక్స్‌ ఇంజినీరింగ్‌ అండ్‌ టెక్నాలజీ)- 1
లెక్చరర్‌ (మ్యాథ్స్‌)- 1 ః లెక్చరర్‌ (ఇంగ్లిష్‌)- 1
ప్లేస్‌మెంట్‌ కన్సల్టెంట్‌- 1

అర్హత: సంబంధిత విభాగంలో డిగ్రీ, పీజీతో పాటు పని అనుభవం.
దరఖాస్తు: ఆఫ్‌లైన్‌ దరఖాస్తులను ‘ది ప్రిన్సిపల్‌, డైరెక్టర్‌ అండ్‌ హెడ్‌, సిపెట్‌- భువనేశ్వర్‌, ఎ-సెక్టార్‌, జోన్‌-బి, మంచేశ్వర్‌ ఇండస్ట్రియల్‌ ఎస్టేట్‌, భువనేశ్వర్‌ ’ చిరునామాకు రిజిస్టర్డ్‌/ స్పీడ్‌ పోస్టు ద్వారా పంపాలి.
ఆఫ్‌లైన్‌ దరఖాస్తుకు చివరి తేదీ: 09-10-2023.
వెబ్‌సైట్‌:https://www.cipet.gov.in

మాతృశ్రీ ఎడ్యుకేషన్‌ సొసైటీలో టీచింగ్‌ పోస్టులు

హైదరాబాద్‌ సైదాబాద్‌లోని మాతృశ్రీ ఎడ్యుకేషన్‌ సొసైటీ కింది పోస్టుల భర్తీకి దరఖాస్తులు కోరుతోంది.

ప్రొఫెసర్‌
అసోసియేట్‌ ప్రొఫెసర్‌
అసిస్టెంట్‌ ప్రొఫెసర్‌

విభాగాలు: సీఎస్‌ఈ, సీఎస్‌ఈ (ఏఐఎంఎల్‌), సీఎస్‌ఈ (డీఎస్‌), సీఎస్‌ఈ (సైబర్‌ సెక్యూరిటీ), కంప్యూటర్‌ ఇంజినీరింగ్‌, ఐటీ, ఫిజిక్స్‌, కెమిస్ట్రీ, ఇంగ్లిష్‌, మ్యాథమెటిక్స్‌. అర్హత: పీజీ, పీహెచ్‌డీ.
దరఖాస్తు పంపాల్సిన ఈ-మెయిల్‌: recruitment@matrusri.edu.in
దరఖాస్తుకు చివరి తేదీ: 02-10-2023.
వెబ్‌సైట్‌:https://matrusri.edu.in/society/

అన్నమాచార్య కాలేజీలో ..

కడప జిల్లా రాజంపేట న్యూ బోయనపల్లిలోని అన్నమాచార్య ఇన్‌స్టిట్యూట్‌ ఆఫ్‌ టెక్నాలజీ అండ్‌ సైన్సెస్‌ టీచింగ్‌, నాన్‌ టీచింగ్‌పోస్టుల భర్తీకి దరఖాస్తులు కోరుతోంది.:

ప్రొఫెసర్‌
అసోసియేట్‌ ప్రొఫెసర్‌
అసిస్టెంట్‌ ప్రొఫెసర్‌

విభాగాలు: సీఎస్‌ఈ, సీఎస్‌ఈ (ఏఐ), సీఎస్‌ఈ (డీఎస్‌), ఏఐ/ డీఎస్‌, ఏఐ/ ఎంఎల్‌, ఈఈఈ, ఈసీఈ, సివిల్‌, ఫిజిక్స్‌, ఎంబీఏ, ఎంసీఏ, సైకియాట్రీ, పీడీ కమ్‌ యోగా ట్రైనర్‌.
నాన్‌ టీచింగ్‌ పోస్టులు: సీఏ, అకౌంటెంట్‌.
అర్హత: డిగ్రీ, పీజీ, పీహెచ్‌డీ.
ఆన్‌లైన్‌ దరఖాస్తుకు చివరి తేదీ: 02-10-2023.
వెబ్‌సైట్‌: https://aitsrajampet.ac.in/recruitment

వాక్‌-ఇన్‌ ఇంటర్వ్యూ

జ్యోతిష్మతి కాలేజీలో ..

కరీంనగర్‌లోని జ్యోతిష్మతి గ్రూప్‌ ఆఫ్‌ ఇన్‌స్టిట్యూషన్స్‌, ఇంజినీరింగ్‌ కళాశాల కింది టీచింగ్‌, నాన్‌ టీచింగ్‌ పోస్టుల భర్తీకి దరఖాస్తులు కోరుతోంది.

ప్రొఫెసర్లు
అసోసియేట్‌ ప్రొఫెసర్లు
అసిస్టెంట్‌ ప్రొఫెసర్లు
విభాగాలు: సీఎస్‌ఈ, ఏఐ అండ్‌ ఎంఎల్‌, సివిల్‌, మెక్‌, ఈఈఈ, ఈసీఈ, ఫార్మసీ, ఇంగ్లిష్‌, మ్యాథ్స్‌, ఫిజిక్స్‌, కెమిస్ట్రీ, ఎంబీఏ, ఎన్విరాన్‌మెంటల్‌ సైన్స్‌.
పీడీ, అకౌంటెంట్‌ ఆఫీసర్‌, ల్యాబ్‌ అసిస్టెంట్‌, ప్రోగ్రామర్‌, లైబ్రేరియన్‌, అసిస్టెంట్‌ లైబ్రేరియన్‌, సిస్టమ్‌ అడ్మినిస్ట్రేటర్స్‌, ఆఫీస్‌ మేనేజర్‌, ఆఫీస్‌ అసిస్టెంట్లు, స్టెనోగ్రాఫర్‌, అకౌంటెంట్‌, వార్డెన్లు, ఎలక్ట్రీషియన్‌.

అర్హత: పోస్టును అనుసరించి పదో తరగతి, ఇంటర్‌, డిప్లొమా, డిగ్రీ, పీజీ, పీహెచ్‌డీ. ఇంటర్వ్యూ తేదీలు: 29, 30-09-2023.
స్థలం: జ్యోతిష్మతి గ్రూప్‌ ఆఫ్‌ ఇన్‌స్టిట్యూషన్స్‌, నుస్తులాపూర్‌, కరీంనగర్‌.
వెబ్‌సైట్‌: https://jits.ac.in

ఐఐటీల్లో కొత్త ఆన్‌లైన్‌ పీజీలు

ఐఐటీల్లో ఈ-మాస్టర్స్‌ కార్యక్రమం ద్వారా ఆన్‌లైన్‌ పీజీ కోర్సులు అందిస్తున్నారు. తాజాగా ఐఐటీ కాన్పూర్‌ ఒకేసారి నాలుగు పోస్ట్‌ గ్రాడ్యుయేట్‌ ప్రోగ్రాములను ప్రవేశపెట్టింది. ‘క్లైమెట్‌ ఫైనాన్స్‌ - సస్టైనబిలిటీ, రెన్యుబుల్‌ ఎనర్జీ అండ్‌ ఈ-మొబిలిటీ, ఆర్టిఫిషియల్‌ ఇంటెలిజెన్స్‌ - మెషీన్‌ లెర్నింగ్‌, బిజినెస్‌ లీడర్‌షిప్‌ ఇన్‌ డిజిటల్‌ ఏజ్‌’ అనే కోర్సులను నూతనంగా మొదలుపెట్టబోతోంది.

ఈ కోర్సులను విద్యార్థులు ఏడాది నుంచి మూడేళ్ల కాలంలోపు ఎప్పుడైనా పూర్తి చేయవచ్చు. వారాంతాల్లో లైవ్‌ ఇంటరాక్టివ్‌ తరగతులు నిర్వహిస్తారు. ముఖ్యంగా గ్రాడ్యుయేషన్‌ తర్వాత ఉద్యోగాలు చేస్తూ చదువుకోవాలనుకునే యువతను దృష్టిలో వీటిని తయారుచేశారు. పరిశ్రమల అవసరాలకు తగినట్టు నడిచే ఈ కోర్సుల్లో 60 క్రెడిట్లు, 12 మాడ్యూల్స్‌ ఉంటాయి. ఐఐటీ కాన్పూర్‌ అధ్యాపకులు, పరిశోధకులు ఈ కోర్సుల్లో చేరిన విద్యార్థులకు మార్గదర్శనం చేస్తారు.

మరిన్ని వివరాలకు: emasters.iitk.ac.in

ఐఐటీ గాంధీనగర్‌లో..: ‘ఎనర్జీ పాలసీ అండ్‌ రెగ్యులేషన్‌’ అంశంపై ఐఐటీ గాంధీనగర్‌ రెండేళ్ల ఆన్‌లైన్‌ పీజీ కోర్సును ప్రవేశపెట్టింది. ప్రస్తుతం దరఖాస్తులు స్వీకరిస్తున్నారు. ఎనర్జీ సెక్టార్‌లో ఆవిష్కరణలను ప్రోత్సహించేలా ఈ కోర్సు ఉండబోతోంది. ఇంజినీరింగ్‌, లా, ఎకనమిక్స్‌, కామర్స్‌, మేనేజ్‌మెంట్‌, ఫైనాన్స్‌ సబ్జెక్టులు చదివే విద్యార్థులెవరైనా దీనికి దరఖాస్తు చేసుకోవచ్చు. కోర్సులో చేరే వారికి సౌకర్యవంతంగా ఉండేలా సులభమైన పనివేళల్లో పూర్తి చేసే అవకాశం కల్పిస్తున్నారు. పూర్తి చేసిన అభ్యర్థులకు పూర్వ విద్యార్థిగా గుర్తింపుతోపాటు ప్లేస్‌మెంట్‌ సహాయం సైతం లభిస్తుంది.

వీటిలో చేరేందుకు గేట్‌ స్కోరుతో పనిలేదు. వచ్చే జనవరి నుంచి తరగతులు మొదలవుతాయి. అక్టోబరు 31వ తేదీ వరకూ దరఖాస్తులకు సమయం ఉంది.