టీచర్ పోస్టుల భర్తీకి లిమిటెడ్ మరియు రెగ్యులర్ డీఎస్సీల నిర్వహణ :
రాష్ట్రంలో ఉపాధ్యాయ శిక్షణను పూర్తి చేసి, గవర్నమెంట్ ఉపాధ్యాయ పోస్టుల భర్తీకీ నిర్వహించే డీఎస్సీ నోటిఫికేషన్ గురించి ఎదురుచూస్తున్న అభ్యర్థులకు శుభవార్త.
ఏపీ లో రాబోయే సంవత్సరం 2021లో ఖాళీగా ఉన్న ప్రభుత్వ టీచర్స్ ఉద్యోగాల భర్తీకి రెండు డీఎస్సీ లను నిర్వహించనున్నారు.
తాజా వార్తల ప్రకారం, ఆంధ్రప్రదేశ్ రాష్ట్రంలో గత డీఎస్సీ లలో భర్తీ కాకుండా మిగిలి ఉన్న బ్యాక్ లాగ్ పోస్టుల భర్తీకి 403 పోస్టులతో లిమిటెడ్ బ్యాక్ లాగ్ డీఎస్సీ నోటిఫికేషన్ ను ముందుగా త్వరలో విడుదల చేయనున్నారు.
ఈ లిమిటెడ్ డీఎస్సీ పూర్తి అయిన తరువాత సుమారు 15,000 టీచర్ పోస్టుల భర్తీకి మెగా డీఎస్సీ ను ఏపీ ప్రభుత్వం నిర్వహించేందుకు ప్రణాళికలు రచిస్తుంది.
అయితే ఈ డీఎస్సీ కంటే ముందు ఏపీ లో ఉపాధ్యాయ అర్హత పరీక్ష (టెట్ ) ను నిర్వహించనున్నారు.
ఇంగ్లీష్ మీడియం ను ప్రవేశ పెట్టిన నేపథ్యంలో ఈ సారి ఏపీ టెట్ సిలబస్ లో మార్పులు చోటుచేసుకోబోతున్నట్లు సమాచారం.
ఇప్పటికే ఈ టెట్ పరీక్ష సిలబస్ మార్పులపై ఏపీ ఎస్సీఈఆర్టీ సభ్యులు కసరత్తులు ప్రారంభించినట్లుగా విశ్వసనీయ వర్గాల సమాచారం ప్రకారం తెలుస్తుంది.
కామెంట్‌లు లేవు:
కామెంట్‌ను పోస్ట్ చేయండి