టెన్త్, ఇంటర్ అర్హతతో ప్రభుత్వ ఉద్యోగాలు

భార‌త ప్ర‌భుత్వ ర‌క్ష‌ణ మంత్రిత్వ శాఖ‌కు చెందిన‌ ఇండియ‌న్ కోస్ట్ గార్డు.. నావిక్ (జ‌న‌ర‌ల్ డ్యూటీ), నావిక్‌(డొమెస్టిక్ బ్రాంచ్‌), యాంత్రిక్ 02/2021 బ్యాచ్‌ పోస్టుల భ‌ర్తీకి అర్హులైన పురుష అభ్య‌ర్థుల నుంచి ద‌ర‌ఖాస్తులు కోరుతోంది. ఈ నోటిఫికేషన్‌ ద్వారా 358 పోస్టులను భర్తీ చేయనున్నారు. ఆసక్తిగల అభ్యర్థులు ఆన్‌లైన్‌లో దరఖాస్తు చేసుకోవాలి. 2021, జనవరి 5 నుంచి దరఖాస్తులు ప్రారంభమవుతాయి. 2021, జనవరి 19 దరఖాస్తులకు చివరితేది. అభ్యర్థులు పూర్తి వివరాలకు
https://joinindiancoastguard.gov.in/ వెబ్‌సైట్‌ చూడొచ్చు.

మొత్తం ఖాళీలు: 358
నావిక్ (జ‌న‌ర‌ల్ డ్యూటీ)- 260
నావిక్ (డొమెస్టిక్ బ్రాంచ్‌)- 50
యాంత్రిక్ (మెకానిక‌ల్‌)- 31
యాంత్రిక్ (ఎల‌క్ట్రిక‌ల్‌)- 07
యాంత్రిక్ (ఎల‌క్ట్రానిక్స్‌)- 10

అర్హ‌త‌-వ‌య‌సు:
1) నావిక్ (జ‌న‌ర‌ల్ డ్యూటీ): మ‌్యాథ్స్‌, ఫిజిక్స్ సబ్జెక్టుల‌తో ఇంట‌ర్మీడియ‌ట్ ఉత్తీర్ణ‌త ఉండాలి‌.
వ‌య‌సు: క‌నీసం 18 ఏళ్ల‌కు త‌గ్గ‌కుండా, గ‌రిష్ఠం 22 ఏళ్లు మించ‌కుండా ఉండాలి. 01 ఆగ‌స్టు 1999 - 31 జులై 2003 మ‌ధ్య జ‌న్మించి ఉండాలి.
2) నావిక్ (డొమెస్టిక్ బ్రాంచ్‌): గుర్తింపు పొందిన ఎడ్యుకేష‌న్ బోర్డుల నుండి ప‌దో త‌ర‌గ‌తి ఉత్తీర్ణ‌త‌.
వ‌యసు: క‌నీసం 18 ఏళ్ల‌కు త‌గ్గ‌కుండా, గ‌రిష్ఠం 22 ఏళ్లు మించ‌కుండా ఉండాలి. 01 అక్టోబ‌రు 1999 - 30 సెప్టెంబ‌రు 2003 మ‌ధ్య జ‌న్మించి ఉండాలి.
3) యాంత్రిక్‌: గుర్తింపు పొందిన ఎడ్యుకేష‌న్ బోర్డుల నుండి ప‌దో త‌ర‌గ‌తి ఉత్తీర్ణ‌తతో పాటు ఎల‌క్ట్రిక‌ల్‌/ మెకానిక‌ల్‌/ ఎల‌క్ట్రానిక్స్ అండ్ టెలీక‌మ్యూనికేష‌న్(రేడియె/ ప‌వ‌ర్‌) ఇంజినీరింగ్‌లో డిప్లొమా ఉత్తీర్ణ‌త‌.

వ‌య‌సు: క‌నీసం 18 ఏళ్ల‌కు త‌గ్గ‌కుండా, గ‌రిష్ఠం 22 ఏళ్లు మించ‌కుండా ఉండాలి. 01 ఆగ‌స్టు 1999 - 31 జులై 2003 మ‌ధ్య జ‌న్మించి ఉండాలి. ఎస్సీ/ ఎస్టీల‌కు ఐదేళ్లు, ఓబీసీల‌కు మూడేళ్లు గ‌రిష్ఠ వ‌య‌సులో స‌డ‌లింపు ఉంటుంది.

ముఖ్య సమాచారం:
ద‌ర‌ఖాస్తు విధానం: ఆన్‌లైన్ ద్వారా ద‌ర‌ఖాస్తు చేసుకోవాలి.
ద‌ర‌ఖాస్తు ఫీజు: ఇత‌రుల‌కు రూ.250 (ఎస్సీ/ ఎస్టీల‌కు ఫీజు లేదు)
ద‌ర‌ఖాస్తు ప్ర‌క్రియ ప్రారంభం: జనవరి 05, 2021.
ద‌ర‌ఖాస్తుకు చివ‌రి తేది: జనవరి 19, 2021.
వెబ్‌సైట్‌: https://joinindiancoastguard.gov.in/

ఎంపిక విధానం:
ఈ పోస్టులకు ఎంపిక ప్రక్రియ వివిధ ద‌శ‌ల్లో ఉంటుంది.
మొద‌టి ద‌శ‌(స్టేజ్-1‌): ఈ విభాగంలో రాత‌ప‌రీక్ష ఉంటుంది. ఇందులో సెక్ష‌న్‌-1, 2, 3, 4, 5 ప‌రీక్ష‌లు నిర్వ‌హిస్తారు. సంబంధిత పోస్టుల‌కు ఏ సెక్ష‌న్ ప‌రీక్ష నిర్వ‌హిస్తారు, దానిలో సాధించాల్సిన ఉత్తీర్ణ‌త మార్కులు, సంబంధిత స‌బ్జెక్టుల సిల‌బ‌స్‌, ప‌రీక్షా స‌మ‌యం, వ‌చ్చే ప్ర‌శ్న‌ల‌ గురించి ప్ర‌క‌ట‌న‌లో స‌వివ‌రంగా ఇచ్చారు.

రెండో ద‌శ‌(స్టేజ్‌-2): మొద‌టి ద‌శ‌లో నిర్వ‌హించిన‌ క‌ంప్యూట‌ర్ బేస్డ్ ఆన్‌లైన్ టెస్ట్‌లో ప్ర‌తిభ ఆధారంగా మెరిట్ జాబితా త‌యారు చేస్తారు. దీని ప్ర‌కారం స్టేజ్‌-2కి ఎంపిక చేస్తారు. ఇందులో ఫిజిక‌ల్ ఫిట్‌నెస్ టెస్ట్‌, డాక్యుమెంట్ వెరిఫికేష‌న్, రీ అసెస్‌మెంట్ టెస్ట్‌, తొలి మెడిక‌ల్ టెస్ట్ ఉంటాయి.

మూడో ద‌శ (స్టేజ్‌-3): స‌్టేజ్‌-1, స్టేజ్‌-2లో ప్ర‌తిభ ఆధారంగా స్టేజ్‌-3కి ఎంపిక చేస్తారు. స్టేజ్‌-3లో డ్యాక్యుమెంట్ వెరిఫికేష‌న్‌, ఫైన‌ల్ మెడిక‌ల్ టెస్ట్‌, ఒరిజిన‌ల్ డాక్యుమెంట్ వెరిఫికేష‌న్, పోలీస్ వెరిఫికేష‌న్ ఉంటాయి.

నాలుగో ద‌శ (స్టేజ్‌-4): ఇందులో వివిధ ఎడ్యుకేష‌న్ బోర్డ్‌లు/ యూనివ‌ర్సిటీలు/ రాష్ట్ర‌ప్ర‌భుత్వం నుంచి పొందిన ఒరిజిన‌ల్ స‌ర్టిఫికెట్లు ఇండియ‌న్ కోస్టు గార్డ్ ముందు ఉంచాలి. స‌ర్టిఫికెట్లు ఒక‌వేళ కచ్చితంగా(జ‌న్యూన్‌) లేక‌పోతే ట‌ర్మినేట్ చేస్తారు.