ఆసక్తి గల అభ్యర్థులు ఫిబ్రవరి 12వ తేదీలోగా ఆన్‌లైన్‌లో దరఖాస్తు చేసుకోవచ్చు.
- మొత్తం పోస్టుల సంఖ్య : 241
- పోస్టుల వివరాలు: సెక్యూరిటీ గార్డ్‌(హైదరాబాద్‌–03, అహ్మదాబాద్‌–07, బెంగళూర్‌–12, భోపాల్‌–10, భువనేశ్వర్‌–08, చండీగఢ్‌–02, చెన్నై–22, గౌహతి–11, జైపూర్‌–10, జమ్మూ–04, కాన్పూర్‌–05, కోల్‌కతా–15, లక్నో–05, ముంబై–84, నాగ్‌పూర్‌–12, న్యూఢిల్లీ–17, పాట్నా–11, తిరువనంతపురం–03).
- నియామకాల్లో భాగంగా అభ్యర్థుల తుది ఎంపిక సమయం వరకు పోస్టుల సంఖ్యను పెంచవచ్చు లేదా తగ్గించే అధికారం ఆర్‌బీఐకి ఉంది.
అర్హతలు..
- పదోతరగతి ఉత్తీర్ణత లేదా తత్సమాన విద్యార్హతలను కలిగి ఉండాలి. రక్షణ దళాల్లో ఎక్స్‌సర్వీస్‌మెన్‌ సేవలను అందించిన అభ్యర్థులు ఈ పోస్టులకు దరఖాస్తుకు అర్హులు.
- వయసు: 01.01.2021 నాటికి 25–28 ఏళ్ల మధ్య ఉండాలి. ఓబీసీలకు మూడేళ్లు, ఎస్సీ/ఎస్టీలకు ఐదేళ్లు గరిష్ట వయసులో సడలింపు లభిస్తుంది.
ఆన్‌లైన్‌ టెస్ట్‌లో ప్రతిభ కనబర్చిన అభ్యర్థులను మెరిట్‌ ప్రాతిపదికన షార్ట్‌లిస్ట్‌ చేసి.. ఫిజికల్‌ టెస్టులను నిర్వహిస్తారు. ఈ రెండు విభాగాల్లో మంచి మార్కులు సాధించిన అభ్యర్థులకు డాక్యుమెంట్‌ వెరిఫికేషన్, బయోమెట్రిక్‌ వెరిఫికేషన్ సహా ప్రీ–రిక్రూట్‌మెంట్‌ మెడికల్‌ టెస్ట్‌ల్లో అర్హత సాధించిన వారిని బ్యాంకు నిబంధనల ప్రకారం–తుది ఎంపిక చేసి ఉద్యోగావకాశాలు కల్పిస్తారు.
పరీక్షా విధానం..
ఆన్‌లైన్‌ విధానంలో టెస్ట్ ఉంటుంది. ఈ పరీక్ష మూడు విభాగాల్లో మొత్తం 100 మార్కులకు జరుగుతుంది. రీజనింగ్‌ నుంచి 40 ప్రశ్నలు–40 మార్కులు; జనరల్‌ ఇంగ్లిష్‌లో 30 ప్రశ్నలు–30 మార్కులు; న్యూమరికల్‌ ఎబిలిటీపై 30 ప్రశ్నలు–30 మార్కులకు పరీక్ష నిర్వహిస్తారు. పరీక్ష సమయం 80 నిమిషాలు. నెగిటివ్‌ మార్కింగ్‌ విధానం లేదు. సెక్షనల్‌ కటాఫ్‌ కూడా ఉండదు.
విధులు..
- బ్యాంకు ఆస్తులకు కాపలా ఉండటం లేదా జిరాక్స్‌ యంత్రాల వద్ద పనిచేయడం, డోర్‌ ఫ్రేమ్‌ మెటల్‌ డిటెక్టర్‌(డీఎఫ్‌ఎమ్‌డీ) ఎంట్రీ గేట్‌ దగ్గర తనిఖీ చేయడం లేదా బ్యాంకు నిర్ణయం ప్రకారం ఏ పని అయినా చేయడానికి సిద్దంగా ఉండాలి.
- సెక్యూరిటీ గార్డ్‌ పోస్టులకు అర్హత సాధించిన అభ్యర్థులు.. నైట్‌ షిప్టులతో సహా రొటేషన్‌ ప్రకారం అన్ని షిఫ్టుల్లో పని చేయాల్సి ఉంటుంది.
వేతనం..
ఈ పోస్టులకు ఎంపికైన అభ్యర్థులకు ప్రారంభ వేతనం రూ.27,678 వరకు పొందే అవకాశం ఉంటుంది.
ముఖ్యమైన సమాచారం..
- దరఖాస్తు విధానం : ఆన్‌లైన్‌లో దరఖాస్తు చేసుకోవాలి.
- దరఖాస్తులకు చివరి తేదీ : 12.02.2021
- పూర్తి వివ‌రాల‌కు వెబ్‌సైట్‌ : https://www.rbi.org.in
కామెంట్‌లు లేవు:
కామెంట్‌ను పోస్ట్ చేయండి