ఏపీలో రానున్న కొద్దినెలల్లో గ్రూప్-1, గ్రూప్-2 పోస్ట్‌ల భర్తీకి కూడా చర్యలు చేపట్టే అవకాశం ఉంది.

ప్రస్తుతం గ్రూప్-1(2018)కు సంబంధించి మెయిన్ పరీక్షలు ముగిశాయి.

వాటి ఫలితాలు త్వరలో వెలువడనున్నాయి. వెంటనే ఇంటర్వ్యూలు నిర్వహించి ఆ ప్రక్రియ పూర్తి చేయగానే.. గ్రూప్-1 కొత్త నోటిఫికేషన్ ఇచ్చే అవకాశముందని చెబుతున్నారు. అదే విధంగా గ్రూప్-2 ఉద్యోగాలకు సంబంధించి కూడా నోటిఫికేషన్ వచ్చే అవకాశం ఉంది. వీటి ద్వారా భర్తీ చేసే పోస్ట్‌ల సంఖ్యపై స్పష్టత లేకపోయినా.. గ్రూప్-1 స్థాయిలో 200, గ్రూప్-2 స్థాయిలో వేయి వరకు పోస్ట్‌లు భర్తీ చేసే అవకాశం ఉందంటున్నారు. ఇటు తెలంగాణ రాష్ట్రంలోనూ గ్రూప్-1, గ్రూప్-2 పోస్ట్‌ల నియామకాలు చేపట్టే సంకేతాలు కనిపిస్తున్నాయి.