Lawcet: లాసెట్‌ కౌన్సెలింగ్‌ దరఖాస్తు గడువు పొడిగింపు * నవంబర్‌ 30న సీట్లు కేటాయింపు
Lawcet: లాసెట్‌ కౌన్సెలింగ్‌ దరఖాస్తు గడువు పొడిగింపు
* నవంబర్‌ 30న సీట్లు కేటాయింపు
లాసెట్‌
తొలి విడత కౌన్సెలింగ్‌లో పాల్గొనే అభ్యర్థులకు ఆన్‌లైన్‌ రిజిస్ట్రేషన్,
ధ్రువపత్రాల పరిశీలనకు దరఖాస్తు గడువును నవంబర్‌ 23వ తేదీ వరకు
పొడిగించారు. ముందుగా ప్రకటించిన గడువు మంగళవారం(నవంబర్‌ 21)తో ముగిసింది.
కాకతీయ విశ్వవిద్యాలయంలో డిగ్రీ విద్యార్థుల బ్యాక్‌లాగ్‌ సబ్జెక్టుల
ఫలితాలు వెలువడకపోవడంతో అభ్యర్థుల వినతి మేరకు రెండు రోజులు పెంచినట్లు
అధికార వర్గాలు తెలిపాయి. దరఖాస్తు చేసుకున్న అభ్యర్థులకు నవంబర్‌ 30న
సీట్లు కేటాయిస్తారు. డిసెంబరు 4 నుంచి తరగతులు మొదలవుతాయని లాసెట్‌
ప్రవేశాల కన్వీనర్‌ ఆచార్య పి.రమేష్‌బాబు తెలిపారు. మంగళవారం వరకు
ఎల్‌ఎల్‌బీ 3, 5 సంవత్సరాలతోపాటు ఎల్‌ఎల్‌ఎం కోర్సుకు సుమారు 13 వేల మంది
రిజిస్ట్రేషన్ చేసుకున్నట్లు ఆయన చెప్పారు. ఆ మూడు కోర్సుల్లో సుమారు 8
వేల సీట్లు అందుబాటులో ఉన్నాయి.
ఎంఈడీ, ఎంపీఈడీ చివరి విడత కౌన్సెలింగ్‌ గడువు 23
ఎంఈడీ, ఎంపీఈడీ (ఫిజికల్‌ ఎడ్యుకేషన్‌) సీట్ల భర్తీకి సీపీగెట్‌ చివరి విడత
కౌన్సెలింగ్‌ కాలపట్టికను కన్వీనర్‌ ఆచార్య ఐ.పాండురంగారెడ్డి
మంగళవారం(నవంబర్‌ 21) ప్రకటించారు. నవంబర్‌ 23వ తేదీ వరకు సీపీగెట్‌లో
ఉత్తీర్ణులైనవారు దరఖాస్తు చేసుకోవచ్చని, వారికి నవంబర్‌ 26న సీట్లు
కేటాయిస్తామని ఆయన ఓ ప్రకటనలో తెలిపారు.
కామెంట్‌లు